اقتوبەلىك الەۋمەتتىك تاۋارىن 450% ساۋدا ۇستەمەسىمەن ساتقان

فوتو: اشىق دەرەككوز

اقتوبەلىك كاسىپكەر الەۋمەتتىك تاۋارىن 450% ساۋدا ۇستەمەسىمەن ساتقان, دەپ جازدى qandastar.kz

اقتوبە وبلىسى بويىنشا ەكونوميكالىق تەرگەپ-تەكسەرۋ دەپارتامەنتى جەكە كاسىپكەردىڭ ەلەكتروندى ەسەپ فاكتۋراسىنا اناليز جۇرگىزۋ بارىسىندا ءامات تاۋارلارىنا ساۋدا ۇستەمەسىن اسىرۋ تاۋەكەلدەرىن انىقتاپ, ءىستى ءارى قاراي تەكسەرۋ ءۇشىن وڭىرلىك ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىنە جولداعان.

جەكە كاسىپكەر قاراقۇمىق جارماسىنىڭ 75 كەلىسىن «جازىق گرۋپپ» جشسدان 16 450 تەڭگەگە ساتىپ العان (1 كەلىسى 205-248 تگ). ارتىنشا جەكە كاسىپكەر قاراقۇمىستى بالاباقشالارعا 109%-450% ساۋدا ۇستەمەسىمەن ساتقان. ماسەلەن, اقتوبەدەگى مەملەكەتتىك №42 «اينالايىن» بالاباقشاسىنا 28 كەلى قاراقۇمىقتى 12 992 تەڭگە, ياعني كەلىسىن 519 تەڭگەدەن ساتقان. مۇنداعى ساۋدا ۇستەمەسى 109,2% قۇرايدى. ارتىنشا مەملەكەتتىك №17 «شۇعىلا» بالاباقشاسىنا ءونىمنىڭ 56 كەلىسىن 16 192 تەڭگەدەن, 135,8 % ساۋدا ۇستەمەسىمەن جەتكىزگەن.