Aqtóbelik áleýmettik taýaryn 450% saýda ústemesimen satqan

Foto: ashyq derekkóz

Aqtóbelik kásipker áleýmettik taýaryn 450% saýda ústemesimen satqan, dep jazdy qandastar.kz

Aqtóbe oblysy boıynsha ekonomıkalyq tergep-tekserý departamenti jeke kásipkerdiń elektrondy esep faktýrasyna analız júrgizý barysynda ÁMAT taýarlaryna saýda ústemesin asyrý táýekelderin anyqtap, isti ári qaraı tekserý úshin óńirlik saýda jáne tutynýshylardyń quqyǵyn qorǵaý departamentine joldaǵan.

Jeke kásipker qaraqumyq jarmasynyń 75 kelisin «Jazyq Grýpp» JShSdan 16 450 teńgege satyp alǵan (1 kelisi 205-248 tg). Artynsha jeke kásipker qaraqumysty balabaqshalarǵa 109%-450% saýda ústemesimen satqan. Máselen, Aqtóbedegi memlekettik №42 «Aınalaıyn» balabaqshasyna 28 keli qaraqumyqty 12 992 teńge, ıaǵnı kelisin 519 teńgeden satqan. Mundaǵy saýda ústemesi 109,2% quraıdy. Artynsha memlekettik №17 «Shuǵyla» balabaqshasyna ónimniń 56 kelisin 16 192 teńgeden, 135,8 % saýda ústemesimen jetkizgen.