Aqtóbelik emshi kelýshilerin 100 mln nesıege kirgizgen

Aqtóbede dástúrli emes emmen aınalysatyn áıel 30 shaqty kelýshige túrli syltaýmen nesıe alǵyzǵan, dep habarlaıdy Skifnews.kz aqparat portaly.

Aqtóbe oblysynyń polıııa departamenti emshiniń ústinen “Asa iri kólemde alaıaqtyq jasaý” deregi boıynsha qylmystyq isti tergep-tekserip jatyr.

Is boıynsha 30-ǵa jýyq jábirlenýshi bar. Kúdikti olarǵa syrqat balasyn emdetýge, meshit qurylysyna, jańa massaj kabınetin ashýǵa qajet degen túrli syltaýlar aıtyp, túrli bankterden 1 mıllıonnan 18 mıllıonǵa teńgege deıin nesıeler rásimdetken. Áıeldiń úıine emdelýge kelýshiler onyń aıtqanyna senip, óz attaryna onlaın nesıeler rásimdegen. Aqshany olar emshiniń esepshotyna aýdarǵan. Kúdikti nesıelerdi ózi tóleýge mindettengenimen, keıin ýádesinde turmaǵan.

“Qazirgi ýaqytta zalal kólemi 100 mıllıon teńgege jýyqtady. Kúdikti ýaqytsha ustaý ızolıatoryna qamaldy. Sotqa deıingi tergep-tekserý jalǵasyp jatyr. Qazirgi ýaqytta is boıynsha basqa da jábirlenýshilerdiń bolýy jáne kúdiktiniń aqshany qandaı maqsattarǵa jumsaǵany da anyqtalyp jatyr”, – dep málimdedi polıııa departamenti.