اقتوبەلىك ستۋدەنت ءاليا مولداعۇلوۆا تۋرالى كوميكس جاسادى

Heriot-Watt ۋنيۆەرسيتەتىنىڭ اقتوبە كامپۋسىنىڭ 2-كۋرس ستۋدەنتى كوركەماي ەلەۋسىز مارسەلقىزى كەڭەس وداعىنىڭ باتىرى ءاليا مولداعۇلوۆانىڭ 100 جىلدىعىنا وراي ەرەكشە جوبانى جۇزەگە اسىردى, دەپ حابارلادى  qandastar.kz    turkystan.kz-كە سىلتەمە جاساپ.

عىلىم جانە جوعارى ءبىلىم مينيسترلىگىنىڭ اقپاراتىنشا, ستۋدەنت جاساندى ينتەللەكت تەحنولوگيالارىنىڭ مۇمكىندىكتەرىن پايدالانىپ, باتىردىڭ ەرلىگى مەن رۋحىن قازىرگى زامان تالابىنا ساي جەتكىزەتىن كوميكس جاسادى.

جوبا باستاۋىش سىنىپ وقۋشىلارىنا ارنالعان جانە ءاليا مولداعۇلوۆا تۋرالى اقپاراتتى جەڭىل ءارى قىزىقتى فورمادا ۇسىنۋدى كوزدەيدى. كوميكس, سونداي-اق, وسكەلەڭ ۇرپاققا موتيۆاتسيا بەرىپ, ۇلتتىق رۋحاني قۇندىلىقتاردى جاڭعىرتۋعا ۇلەس قوسۋدى ماقسات ەتەدى.

بۇل جوبانىڭ ەرەكشەلىگى – جاساندى ينتەللەكتتىڭ شىعارماشىلىق سالادا قولدانىلۋى, سونداي-اق تاريحي تۇلعانىڭ ەرلىگىن جاڭا فورمادا تانىتۋداعى جاڭاشىلدىق.