اقتوبەلىك جاستار اباتتاندىرۋ جۇمىستارىنا اتسالىستى

«جاسىل ەل» جاساقتارى الەۋمەتتىك مەكەمەلاردىڭ اينالاسىن اباتتاندىرۋعا اتسالىستى. اقتوبەلىك ستۋدەنتتەر قارتتار ءۇيىنىڭ اۋلاسىنا تال ەكتى. جاسىل جەلەكتىڭ جەرسىنىپ, تەز وسەرىنە سەنىم مول. سەبەبى, قاجەتتى كۇتىم جاسايمىز — دەيدى ولار. جالپى «جاسىل ەل» ستۋدەنتتەر بىرلەستىگى بيىلعى ماۋسىمدا 2 مىڭنان استام كوشەت ەگۋدى جوسپارلاپ وتىر. «تازا قازاقستان» رەسپۋبليكالىق اكتسياسى اياسىندا بىرنەشە ساياباق پەن گۇلزاردى دا رەتكە كەلتىرەدى. نۇرجان شاڭعىتباەۆ, «Jasyl el» جاستار ەڭبەك جاساعىنىڭ وبلىستىق شتابىنىڭ توراعاسى: — «ءۇمىت» بالالار ۇيىنە دە بارىپ كومەك بەرەتىن بولامىز الداعى ۋاقىتتا. جانە دە ەرتەڭ مىنا «باتىس-2» ىقشام اۋدانىندا جالپى قالالىق اعاش وتىرعىزۋ اكتسياسى باستالاتىن بولادى. سوعان دا ءوزىمىزدىڭ اتىمىزدان قولداۋىمىزدى كورسەتىپ, وسى جاستارىمىزبەن بىرگە قالامىزدىڭ كوگالدانۋىنا اتسالىسۋعا دايىنبىز.