Aqtóbelikter joldaǵy olqylyqqa ákimdi kinálaýda

Foto: ashyq derekkóz

Aqtóbe qalasynyń qaq ortasynda kólik keptelesine sebep bolǵan jol apaty tirkeldi. Qala turǵyndary jol apaty jıilegenin alǵa tartyp, oblys ákiminiń jumys istemeıtindigin jarysa jazýda, dep habarlaıdy qandastar.kz

Apat 5 naýryz kúni ortalyq kóshelerdiń biri bolyp sanalatyn Ábilqaıyr han dańǵylynda bolǵan. BMW X5 kóligi men Porshe kóligi soqtyǵysyp qalǵan. Nátıjesinde №46-avtobýs qıylysta qystyrylyp qalyp, kóshedegi kólik keptelisine alyp kelgen. Eki baǵytqa da qozǵalys joq.

Vıdeo kadrlarynan kóshedegi qardyń ýaqytyly tazartylmaǵanyn kórýge bolady. Aqtóbelikter bolsa, ákimdiktiń jumysqa salǵyrt qaraıtynyn jazyp, kóshedegi joldardyń kóliktiń erkin qozǵalýyna múmkindik bermeıtinin nátıjesinde osyndaı apattar jıi bolatynyn jarysa jazǵan.

«Oqıǵa ornynda birde de bir polıııa qyzmetkeri bolǵan joq. Qala boıynsha sumdyq keptelis boldy», «Nege qardy ýaqytyly tazartyp, shyǵaryp tastamaıdy? Barlyǵymyz aryzdanýymyz kerek!», «Shaharov ákim bolǵaly qalanyń jaǵdaıy qıyndap bara jatyr», «Osynyń barlyǵyna ákimdik kináli. Tender ustaǵannyń qolynda ketip jatyr. Jol tazalanbaıdy. Tórt jolaqty jol deıdi, biraq ol eki jolaqty bolady. Ol jolmen ıt te, adam da, kólik te qysylyp júredi. Nátıjesi osyndaı apattar», «Ádettegideı qardy tazalaýǵa tehnıka jetispeı me?», «Ákimshiliktiń aldyn jalap tazalap bolmaı, kóshelerge qaramaıdy», — deıdi olar.

Budan bólek, kadrdaǵydaı úlken avtobýstar Aqtóbeniń tar kóshelerine arnalmaǵan dep qarsylyq tanytyp jatqandardyń qarasy kóp. Jol apaty keshe bolsa da, keptelis búgin tańǵa deıin jalǵasqan. Al oblystyq Polıııa departamenti bolsa, zardap shekkender joq ekenin alǵa tartyp, ádettegideı júrgizýshilerden jol erejesin saqtaýdy talap etip otyr.