«Aqymdy tóledim»: Senimnen shyqty degen Janar О́teshova eldi oılandyryp qoıdy

Foto: UOK

Janar О́teshova Ulttyq olımpıada komıtetindegi qyzmetinen resmı túrde ketti, dep habarlaıdy qandastar.kz Ozgeris.info silteme jasap. 

«Búgin men úshin UOK taraýy jabyldy. 13 qyrkúıekte men resmı túrde bas hatshy laýazymynan óz erkimmen kettim. Birden aıta keteıin, BAQ betterinde osyǵan deıin ózim qurǵan derekkózge súıene otyra sensaııa retinde taratqan «qyzmetinen bosatyldy» degen jańalyqtary shyndyqqa janaspaıtyn edi. Zańgerler maǵan óz atymdy qorǵaýym úshin sotqa júginýge keńes bergen bolatyn. Alaıda meniń atym, nıetim men ar-namysym taza jáne qorǵaýdy talap etpeıtinine senimdi bolǵandyqtan mundaı usynystan bas tarttym. Men óz qalaýymmen kettim. О́z sharttarym boıynsha, ótemaqysyz, únsiz qalý mindettemesinsiz jáne erteń jalǵan jymııýdy talap etpeıtin jaǵdaıda bir bólimniń esigin japtym. Jer domalaq. Aldymyzda bizdi qanshama dúnıe kútip tur», — dep jazdy ol.

Onyń aıtýynsha tamyzdan beri oǵan birneshe usynys túsken. Sonyń ishinde basqa elderden de kelgen usynystar bar. Biraq ol Qazaqstannan artyq eshbiri jaqyn bola almaıtynyn aıtqan. Alaıda, áli naqty uıǵarym jasamaǵan.

«Bolyp jatqan dúnıeniń barlyǵy jaqsylyqqa jeteleıtinine senemin. Muny maǵan týǵan-týystarym men dostarym da aıtyp júr. Dostar qataryna sońǵy jyldary sporttan kóptep qosylǵandary taǵy bar. Osy jazbamdy súıikti sportshylaryma arnaǵan tilegimmen aıaqtaǵym keledi: Sizder medaldar úshin talaı ret kúrestińizder, oǵan deıin basqa «shaıqastarda da» jeńip shyqtyńyzdar. Sizderdiń budan ári de jetistikterge jete beretinińizge, jeńisti joldaryńyzdyń jalǵasyn tabatynyna senimdimin. Men árdaıym sizderdiń jankúıerlerińiz bolyp qala beremin, sizdermen maqtana beremin. О́ıtkeni jeńistiń quny qandaı ekenin bilemin. О́tken oqıǵa meniń jeńisim dep sanaımyn. Ol úshin aqymdy tóledim», — dep jazdy J. О́teshova.

Eske salsaq,  bıylǵy tamyz aıynda Janar О́teshovanyń Gennadıı Golovkınniń sheshimine qatysty málimdeme jasaǵany týraly jazǵan edik.