Aqyn qazirgi áýenderdi synady

Foto:jasqazaq.kz

Aqyn Asqar Dúısenbi qazirgi jastardyń suranysyndaǵy ánderge baılanysty pikir bildirdi, dep habarlaıdy qandastar.kz aqparat portaly.

«Jastardyń kóbi áýenge elikteıdi. Al sózdiń mátinine mán bere bermeıtin sekildi. Qazir eshqandaı baqylaý joq. Án mátinin baqylaıtyn arnaıy organ bolýy kerek. Kim ne aıtqysy keledi, sony aıtyp jatyr. Ánde de súzgi bolýy kerek. Kim ne aıtady, sony aıta beretin bolsa, ol – óner bolmaıdy! О́ner bolǵan soń belgili bir tarazy men ólshemi bolýy kerek. Sonda sózde de mán, ánde de áýez bolady», — deıdi aqyn.

Asqar Dúısenbi jastardyń qazirgi án talǵamy ózgeshe dep baǵalaıdy. Tipti, jańa tendenııaǵa qalam tartýǵa júreksinetinin de jetkizdi.

“Qazir jeńil, kúndelikti turmysta qoldanatyn, kóshe sózderi qoldanylǵan jeńil ánder trendte. Onda kórkemdik bolmaýy múmkin. Alaıda negizgi baǵyt áýenge basymdyq beriledi. Sol sebepti jastar tek áýenge elikteıdi. Onyń sózine mán bermeıdi.

Qazirgi shyǵyp jatqan jas tolqyn ánshilerdi kóp tyńdaımyn, qarap otyramyn. Kim, qaı baǵytta án oryndap, ónerdi damytyp jatyr dep qaraımyn. Mysaly, «91» tobynyń jankúıeri emespin. Jańa shyǵa bastaǵan kezden bastap-aq, qarap, tyńdap kórdim. Jańa zamannyń baǵyty shyǵar, árıne! Biraq ánderiniń mátinderine kóńilim tolmaıdy. Sol sekildi Kalıfarnııa degen de bar”, – deıdi aqyn.

Asqar Dúısenbi belgili kompozıtor Arman Dúısenovpen shyǵarmashylyq baılanysta bolǵan edi. Dımash Qudaıbergen, Qaırat Nurtas, Tamara Asar syndy ánshilerdiń oryndaýyndaǵy ánderge sóz jazǵan aqyn. Qazirgi jastardyń talǵamyna saı bolýǵa júreksinse de, usynys tússe, bul baǵytta qalam terbeýge daıyn ekenin jetkizdi.