«Aqyndarǵa renishim bar»: Dýlat Isabekov aqyndardy synǵa aldy

Dýlat Isabekov QR eks-prezıdenti Nursultan Nazarbaevty bılikten ketken soń synaǵandarǵa renishi baryn aıtty.

«Kultobe Podcast» YouTube arnasynda belgili jazýshy, dramatýrg Dýlat Isabekov suhbat berdi. Ol eks-prezıdentti dattaǵandardy synady.

«Men ol kisi týraly bir pikirdemin. О́tti, ketti. Sol kezde poema jazǵan adamdar endi sony synaı bastady. Demek, adamnyń ekijúzdiligi degen – osy. Men sol kezde maqtap, eshqandaı pikir aıtqan emespin», – dedi Dýlat Isabekov.

Jazýshy Nazarbaevty maqtap óleń jazǵandardy da synǵa aldy.

«Kózi tiri kezinde poema jazyp, keıin jalt etip bulaı shyǵa kelý – adamnyń qasıetsizdigi, ekijúzdiligi. Ásirese, aqyndarǵa renishim bar. Bıliktegi totalıtarızmniń kóbin aqyndar jasaǵan eken. Qazir Stalınniń kezindegi óleńderdiń kóbi esime túsedi, jatqa bilemin. Al orys aqyndarynyń bireýi Stalın týraly óleń jazǵan joq. Tek qazaqtar ǵana jazdy», – dedi ol.