الاباي ءيتتى باگاجعا سالعان: SCAT اۋە كومپانياسىندا جانجال شىقتى

فوتو: ۆيدەودان سكرينشوت

شىمكەنت – ستامبۋل باعىتىنداعى SCAT اۋە كومپانياسىنىڭ رەيسى كۇتپەگەن وقيعاعا بايلانىستى كەشىگىپ قالدى, دەپ حابارلايدى Qandastar.kz

جولاۋشىلاردىڭ ايتۋىنشا, ۇشاق شامامەن ءبىر ساعاتقا كەشىككەن. بۇعان سەبەپ – الاباي تۇقىمدى ءيتتى باگاج بولىمىنە تيەۋ كەزىندەگى قيىندىقتار بولعان.

الايدا ناعىز شۋ تۇركياعا قونعان سوڭ باستالدى. جولاۋشىلاردىڭ چەموداندارىن بىرنەشە ساعات بويى بەرمەگەن. قولعا ديپلوماتيالىق قىزمەت پەن پوليتسيانى شاقىرۋعا تۋرا كەلگەن. سەبەبى, جولاۋشىلاردىڭ سوزىنشە, الاباي يت قورابىن جىرتىپ شىعىپ, اۋەجاي قىزمەتكەرلەرىن باگاجعا جولاتپاي قويعان.

وقيعاعا قاتىستى اۋە كومپانياسى ازىرگە تۇسىنىكتەمە بەرگەن جوق.

ال الەۋمەتتىك جەلى قولدانۋشىلارى «بۇل رەيستىڭ باستى جولاۋشىسى – سول الاباي بولدى» دەپ قالجىڭداۋدا.