«الاكول مەملەكەتتىك تابيعي قورىعىنىڭ» ديرەكتورى سوتتالدى

فوتو: اشىق دەرەككوز

جەتىسۋ وبلىسىندا الاكول اۋداندىق سوتىمەن ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «الاكول مەملەكەتتىك قورىعى» رمم ديرەكتورى ق. ابىلقاسىموۆ, ونىڭ ورىنباسارى ن. بەيسەنوۆ جانە ءبولىم باسشىسى ر. شالاپانوۆ سوتتالدى, دەپ جازدى qandastar.kz

ولار قىزمەت كورسەتىلەتىن اۋماقتا زاڭسىز ءشوپ شابۋ بويىنشا اكىمشىلىك جاۋاپكەرشىلىككە تارتپاعانى ءۇشىن جەرگىلىكتى تۇرعىنداردان الدىن الا ءسوز بايلاسۋ ارقىلى ادامدار توبىندا بىرنەشە رەت پارا العانى ءۇشىن كىنالى دەپ تانىلدى.

ابىلقاسىموۆ پەن شالاپانوۆتىڭ ارقايسىسىنا 10,5 ملن تەڭگە, ال بەيسەنوۆكە 15,7 ملن تەڭگە كولەمىندە ايىپپۇل سالىندى.

وسى ۇكىممەن, الاكول اۋدانىنىڭ تۇرعىندارى و. بۋلگۋنچينوۆ مەن ك. كاناگاتوۆ اتالمىش لاۋازىمدى تۇلعالارعا پارا بەرگەنى ءۇشىن سايكەسىنشە 6 ملن تەڭگە جانە 2,2 ملن تەڭگە ايىپپۇلعا سوتتالدى.

سونىمەن قاتار, سوتتالعاندارعا ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋعا تىيىم سالىنادى.

سوت ۇكىمى زاڭدى كۇشىنە ەندى.

قر قك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى.