Alakólge endi «Talgomen» barýǵa bolady

Aldaǵy týrıstik maýsymda Alakól baǵytyna «Talgo» júrdek poıyzy júredi. Bul týraly Almaty oblysy ákiminiń baspasóz qyzmeti habarlady. «Qazaqstan Temir Joly» AQ basshylyǵy men Almaty oblysynyń ákimi Qanat Bozymbaev memorandýmǵa qoı qoıdy. Sonymen birge kól jaǵalaýyna jolaýshy tasymaldaıtyn barlyq poıyzdardyń jaıly bolýyna, sapalyq deńgeıin arttyrýǵa nazar aýdarylady. «Jolaýshy tasymaly» AQ-nyń barlyq vagondary jeldetýdiń zamanaýı jańa júıesimen qamtamasyz etilmek.

Kezdesýge qatysýshylar Alakól kóline jolaýshylar tasymaldaýdy uıymdastyrýǵa erekshe nazar aýdardy. Indet jaǵdaıyna qaramastan 2019-2021 jyldar aralyǵynda kýrorttyq aımaqtarǵa barǵan jolaýshylar legi 264% artqan. О́tken jylǵy 11 jazǵy marshrýtty (8 – «Jolaýshylar tasymaly» AQ, 3 – jeke tasymaldaýshylar) saqtaı otyryp, 240 myńdaı jolaýshy tasymaldaý josparlanǵan. Bul rette usynylǵan oryndardyń jalpy sany 340 myńnan asady. Sondaı-aq bul baǵytqa «Talgo» júrdek poıyzyn shyǵaryp, kúnara júrgizý josparlanyp otyr. Jolaýshylarǵa jaıly, bılet baǵasy qoljetimdi vagondar júrgizý úshin oblys ákimdigi tarapynan sýbsıdııalaý máselesin sheshý qajet.
Vagondarda kondııoner men ystyq sý joq, basqa da jaǵdaılar jasalmaǵan degen jolaýshylardyń shaǵymdaryna baılanysty oblys ákimi Qanat Bozymbaev «Qazaqstan temir joly» AQ ókilderimen birlesip jeke tasymaldaýshy kompanııalardyń vagondaryn attestaııalaýdy usyndy. Endi árbir tasymaldaýshy poıyzdarynyń jaıly bolýyna nazar aýdarýy tıis. Bul rette suranysqa sáıkes kýpe tıpti vagondar sany ulǵaıtylady. «KTJ» kúshimen Aqshı, Kóktuma, Jalańashkól stansylary retke keltirildi, jolaýshylar platformasy uzartyldy, qorǵanys qalqandary ornatyldy.

Kezdesý sońynda Almaty oblysy ákimdigi men «QTJ» UK» AQ arasyndaǵy yntymaqtastyq týraly memorandýmmen bekitildi. Qujatta temir jol ınfraqurylymy jobalaryn iske asyrý, aımaqtaǵy júk tasymaly kólemin ulǵaıtý, Alakól kóliniń týrıstik áleýetin arttyrý máseleleri qamtylǵan.

– Biz ekologııaǵa zııanyn tıgizbeıtin ındýstrııany damytýǵa ekpin túsiremiz. Atap aıtqanda, mashına jasaý salasyn damytamyz. «QTJ-nyń» suranysyn bilsek, onda tıisti qural-jabdyqtardy shyǵarýǵa daıynbyz. Ol úshin ınvestorlar tartamyz. Taldyqorǵanda osy salany damytý qajet. Bul ette bizge sizderdiń qoldaýlaryńyz kerek. Biz óz tarapymyzdan ınfraqurylymdyq jobalardy iske asyrýǵa, Alakól kóline jolaýshylar tasymaldaýdy sýbsıdııalaýǵa tıisti kómek kórsetemiz. Jergilikti mazmundy damytý, turaqty jumys oryndaryn ashý – bul sizdermen birlesken isimizdiń tek alǵashqy jemisi ǵana, odan da kóp múmkindikterge jol ashylady, – dedi Q. Bozymbaev.