«الاكولگە كەلىپ, ءىشىپ الىپتى…»: تورەعالي تورەالى سىنعا ۇشىرادى

فوتو: ۆيدەودان سكرينشوت

اتىشۋلى تانىمال ءانشى تورەعالي جەلىدە تاعى ءبىر شۋلى ۆيدەوسى جاريالاندى. وندا ءانشىنىڭ الاكولدە جۇرگەنىن بايقاۋعا بولادى, دەپ جازدى Qandastar.kz turkystan.kz-كە سىلتەمە جاساپ. 

ۆيدەودا ءانشى ساحنا ۇستىندە تۇرىپ, تىڭدارمانىنا ءتىل قاتتى. ول ءوز سوزىندە ىشىمدىك ءىشۋدى قويعانىن ايتتى.

«سىرا اكەپ بەرەمىن بە, دەيسىڭ بە? جوق ي, قويعانمىن, قويدىم عوي. كەشە توقتاتتىم دەگەن جوقپىن با! ۇيات قوي. تاعى دا الاكولگە كەلىپ, ءىشىپ الىپتى دەپ جۇرسە. اندا-ساندا دەمالۋ كەرەك. بىراق جۇمىس تا ىستەۋ كەرەك», – دەيدى تورەعالي تورەالى.

الايدا, ءانشىنىڭ بۇل ءسوزى جەلى قولدانۋشىلارى تاراپىنان تاعى دا سىنعا ۇشىرادى.

«قازىر دە كىشكەنە ۇرتتاپ العان سياقتى عوي», «نە كيىپ العان? ساحنا مادەنيەتى قايدا», «سەمىزدىكتى قوي عانا كوتەرەدى دەگەن», «وسى تۇرعاندا ىشكەن نەمەسە شەگىپ العان», «ساحنادا تۇرىپ قۋىپ تۇر عوي, ەسىك الدىندا وتىرعانداي», «بۇل دا ءبىر جۇرگەن بىرەۋ. سوڭعى كەزدەرى قۋىپ كەتتى, كيىمىنىڭ ءتۇرى اناۋ», «وسىنى نەگە شاقىرادى?! نە ايتىپ تۇر ءوزى?» – دەپ جازدى جەلى قولدانۋشىلارى.