Alakólge qulaǵan ushaq ushqyshynyń arnaıy qujaty bolmaǵan

Foto: TJM

Alakóldegi ushaq apatynan keıin birqatar zańbuzýshylyq anyqtaldy. Bul týraly Kólik mınıstrligi habarlady, – dep jazady qandastar.kz.

Vedomstvonyń habarlaýynsha, Alakól kóline qulaǵan ushaq azamattyq áýe kemeleriniń memlekettik reestrinde joq. Onyń ushýǵa jaramdylyq sertıfıkaty bolmaǵan.

Qulaǵan ushaqtyń ushqyshy da ereje buzǵany belgili boldy. «Ushqyshta avıaııalyq personal qujaty bolmaǵan» delingen mınıstrlik málimdemesinde.

Esterińizge sala keteıik, 25 shilde kúni Alakól kóline ushaq qulaǵan bolatyn. Odan keıin eki adam – ushqysh pen jolaýshy zardap shekti. Oqıǵanyń naqty sebepteri tergeý barysynda anyqtalady.