Alaıaq «balanyń emine» dep paraqsha ashyp, qyrýar qarjy jymqyrǵan

Foto: depositphotos.com / rafapress

Shymkentte alaıaq «balanyń emine» dep paraqsha ashyp, qyrýar qarjy jymqyrǵan, – dep habarlaıdy Massaget.kz tilshisi Polisia.kz-ke silteme jasap.

«Aqparattyq tehnologııalar men onlaın-qyzmetterdiń damýymen ınternette aqparat qoljetimdi. Bul ınternettegi alaıaqtyqqa ákelýde. Sońǵy jyldary bul jıi jasalatyn qylmysqa aınaldy», – dedi IIM krımınaldyq polıııa departamentiniń bastyǵy Qanat Nurmaǵambetov.

Mysaly, Qostanaı turǵyny DarkNet pen Telegram arqyly ınternet-alaıaqtyq jasaǵan. Qaskóı 1,5 mln teńgeden astam tabys tapqany anyqtaldy. Er adam «kardıngpen», ıaǵnı bank kartalarynyń derektemelerin urlap jáne olardy qaıta satýmen, sondaı-aq aqshaǵa kompıýterlik vırýstardy taratýdy úıretýmen aınalysqan. Qazir fıgýrant ustalyp, sottaldy.

«Shymkentte alaıaq Instagram paraqshanyń dýblıkatyn jasap, balalardyń emine aqsha jınaý arqyly adamdardy aldaǵan. Osylaısha, ol 32 mln teńge jınaǵan. Alaıaq ustaldy. Qamaýda», – dedi Qanat Nurmaǵambetov.

Vedomstvo kıberqylmystarǵa qarsy kúresti júıeli túrde júrgizedi. Sáýir aıynda Ýkraınanyń Odessa jáne Zaporoje qalalarynda ótken halyqaralyq arnaıy operaııa barysynda bes alaıaqtyq call-ortalyq joıyldy. Qaskúnemder qazaqstandyq azamattarǵa qatysty qylmys jasaǵan. 30-dan astam kúdikti ustaldy, qajetti is-sharalar júrgizilip jatyr.

Qyrkúıek aıynda jedel is-sharalardy ótkizý kezinde Almaty qalasynda tórt call-ortalyq joıylyp, 47 sheteldik ustaldy. Olar shet memleketterdiń azamattaryna qatysty alaıaqtyqpen aınalysqan. Tergeý sharalary júrgizilip, tárkilengen tehnıka tekserilip jatyr.

«Polıııa azamattardy saq bolýǵa shaqyrady. Bul baǵyttaǵy jumys jalǵasyp jatyr», – dedi polıııa polkovnıgi.