الاياقتار قازاقستاندىقتاردى جاڭا ادىسپەن الداۋعا كوشتى

الاياقتار مەملەكەتتىك مەكەمە قىزمەتكەرلەرىن قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى, قر ونەركاسىپ جانە قۇرىلىس مينيسترلىگى باسشىلىعى اتىنان حات جازىپ, الداۋعا كوشكەن, دەپ حابارلايدى  qandastar.kz.

«ول ءۇشىن الاياقتار جالعان اككاۋنت جاسايدى. ولار وتە سەنىمدى كورىنەدى جانە قىزمەتكەرلەردىڭ ناقتى دەرەكتەرىن قامتيدى: تەگى, اتى, اكەسىنىڭ اتى, سۋرەتى. الاياقتار قۇپيا اقپاراتتى بەرۋ ماقساتىندا ىقتيمال جابىرلەنۋشىنى ازعىرۋعا تىرىسادى.

قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى قىزمەتكەرلەردىڭ رەسمي ماسەلەلەردى شەشۋ ءۇشىن قوعامدىق مەسسەندجەرلەر مەن الەۋمەتتىك جەلىلەردى پايدالانبايتىنىن ەسكەرتەدى. مۇنداي الاياقتىق دەرەگىنىڭ بارلىعى قۇقىق قورعاۋ ورگاندارىنا حابارلانۋى ءتيىس», — دەلىنگەن حابارلامادا.

ەگەر كۇدىكتى قوڭىراۋلاردى نەمەسە حابارلامالاردى, سونىڭ ىشىندە الەۋمەتتىك جەلىلەر حات الساڭىز, مىنا ارەكەتتەردى ورىنداۋ ۇسىنىلادى:

• حابارلامانىڭ نەگىزگى كوزىن تەكسەرىڭىز: حاباردىڭ شىنايىلىعىنا كۇماندانساڭىز, رەسمي ۆەب-سايتتاردا كورسەتىلگەن رەسمي كونتاكتىلەر ارقىلى بولجامدى جىبەرۋشىگە حابارلاسىڭىز.
• كۇدىكتى سىلتەمەلەردى باسپاڭىز: الاياقتار دەرەكتەرىڭىزگە قولجەتكىزۋ ءۇشىن فيشينگتىك سىلتەمەلەردى ءجيى پايدالانادى.
• جەكە دەرەكتەرمەن بولىسپەڭىز: ەشقاشان جەكە اقپاراتتى, قۇپيا سوزدەردى نەمەسە بانكتىك دەرەكتەمەلەردى مەسسەندجەرلەر ارقىلى بولىسپەڭىز.
• كۇدىكتى كونتاكتىلەردى بلوكتاۋ: كۇدىكتى حابار الساڭىز, كونتاكتىنى بلوكتاڭىز.