Alaıaqtar qazaqstandyqtardy jańa ádispen aldaýǵa kóshti

Alaıaqtar memlekettik mekeme qyzmetkerlerin Qurylys jáne turǵyn úı-kommýnaldyq sharýashylyq isteri komıteti, QR О́nerkásip jáne qurylys mınıstrligi basshylyǵy atynan hat jazyp, aldaýǵa kóshken, dep habarlaıdy  qandastar.kz.

«Ol úshin alaıaqtar jalǵan akkaýnt jasaıdy. Olar óte senimdi kórinedi jáne qyzmetkerlerdiń naqty derekterin qamtıdy: tegi, aty, ákesiniń aty, sýreti. Alaıaqtar qupııa aqparatty berý maqsatynda yqtımal jábirlenýshini azǵyrýǵa tyrysady.

Qurylys jáne turǵyn úı-kommýnaldyq sharýashylyq isteri komıteti qyzmetkerlerdiń resmı máselelerdi sheshý úshin qoǵamdyq messendjerler men áleýmettik jelilerdi paıdalanbaıtynyn eskertedi. Mundaı alaıaqtyq dereginiń barlyǵy quqyq qorǵaý organdaryna habarlanýy tıis», — delingen habarlamada.

Eger kúdikti qońyraýlardy nemese habarlamalardy, sonyń ishinde áleýmettik jeliler hat alsańyz, myna áreketterdi oryndaý usynylady:

• Habarlamanyń negizgi kózin tekserińiz: habardyń shynaıylyǵyna kúmándansańyz, resmı veb-saıttarda kórsetilgen resmı kontaktiler arqyly boljamdy jiberýshige habarlasyńyz.
• Kúdikti siltemelerdi baspańyz: alaıaqtar derekterińizge qoljetkizý úshin fıshıngtik siltemelerdi jıi paıdalanady.
• Jeke derektermen bólispeńiz: eshqashan jeke aqparatty, qupııa sózderdi nemese banktik derektemelerdi messendjerler arqyly bólispeńiz.
• Kúdikti kontaktilerdi bloktaý: kúdikti habar alsańyz, kontaktini bloktańyz.