الاياقتار قازاقستاندىقتاردىڭ 100 ميلليون تەڭگەدەن استام اقشاسىن جىمقىرعان

«ولار وزدەرىنىڭ قىلمىستىق نيەتتەرىنە جەتۋ ءۇشىن ءارتۇرلى الداۋ سحەمالارى مەن زاماناۋي تەحنولوگيالاردى, ياعني قاشىقتان قول جەتكىزۋ قوسىمشالارىن (AnyDesk, Kenguru, Teamviewer) جانە ت.ب. پايدالانعان. توپتىڭ جەكە «كاسسا ورتالىعى» بار, ول ارقىلى قاراجاتتى دروپەرلەر ارقىلى اۋدارىپ وتىرعان. كريپتوۆاليۋتا», — دەدى قاداعالاۋ ورگانى.

ولاردىڭ تۇرعىلىقتى جەرىندە ءتىنتۋ كەزىندە 35 ۇيالى تەلەفون, ءۇش جۇيەلىك بلوك, ءۇش نوۋتبۋك, ەكى پنەۆماتيكالىق تاپانشا جانە قىمبات ءنومىرلى ءۇش ءساندى اۆتوكولىك تاركىلەندى.

«توپتىڭ ءتورت مۇشەسىنە قاتىستى سوتقا دەيىنگى تەرگەۋ امالدارى جۇرگىزىلۋدە, كۇدىكتىلەر مۇلكى تاركىلەنىپ, جەتى جىلعا دەيىن باس بوستاندىعىنان ايىرىلۋى مۇمكىن», — دەپ اتاپ ءوتتى پروكۋراتۋرا.

2 جەلتوقساندا اقمولا وبلىسىنىڭ تۇرعىنى التى ميلليون تەڭگەدەن استام نەسيە الىپ, جالعان ينۆەستيتسيالىق پلاتفورماعا سالعانى بەلگىلى بولدى.