الاياقتار شوتتان اقشا ۇرلاۋدىڭ جاڭا ءادىسىن ويلاپ تاپتى

Aqparatsaqsysy Telegram-ارناسى جازعانداي, حاكەرلەر NFC-سىمسىز دەرەكتەردى قىسقا قاشىقتىققا بەرۋ تەحنولوگياسى نەگىزىندە جالعان مەملەكەتتىك ورگانداردىڭ قوسىمشالارىن جاساي باستادى.

«مۇنداي مودۋلدەر تەلەفونعا جۇكتەلگەندە ولار دۇكەندەردە سمارتفونمەن تولەۋگە جانە بانكوماتتاردان اقشا الۋعا كومەكتەسەدى. شابۋىلداۋشىلار ولاردى شوتتاردان اقشا ۇرلاۋ ءۇشىن قولدانا باستادى. سونىمەن, الاياقتار ءارتۇرلى سىلتاۋلارمەن ادامدى سمارتفونعا جەكە NFC باعدارلاماسىن ورناتۋعا كوندىرەدى, مىسالى, مەملەكەتتىك قىزمەتتەردەگى ءپروفيلدى قورعاۋ, سالىق تولەۋگە ءوتىنىش بەرۋ, بانك كارتالارىن قورعاۋ نەمەسە باسقا نارسە»,- دەلىنگەن 2025 جىلدىڭ 31 قاڭتارىندا تاراتىلعان اقپاراتتا.

كوبىنەسە جالعان قوسىمشالار سالىق, قر بانكتەرى جانە باسقا ۆەدومستۆولاردىڭ ءموبيلدى سەرۆيسى رەتىندە تانىستىرىلادى.

«ەگەر الاياقتار ادامدى كوندىرە السا جانە ول باعدارلامانى جۇكتەپ السا, وندا جابىرلەنۋشىگە «تەكسەرۋ ءۇشىن» بانك كارتاسىن سمارتفونعا قوسۋ ۇسىنىلادى. وسى كەزدە ونىڭ گادجەتىنىڭ NFC ءمودۋلى بارلىق كارتا دەرەكتەمەلەرىن قىلمىسكەرلەرگە بەرەدى. وسىلايشا, الاياقتار ءوز قۇرىلعىسىندا كارتانىڭ ۆيرتۋالدى كوشىرمەسىن جاسايدى جانە ودان بانكوماتتان اقشا شەشىپ الا الادى نەمەسە ونى دۇكەندەردە ساتىپ الۋ ءۇشىن پايدالانا الادى», – دەدى ماماندار.

بۇعان دەيىن پاۆلوداردا «SOS» تۇيمەسىنىڭ ايەلگە قاۋىپتى جاعدايدان قۇتىلۋعا كومەكتەسكەنى حابارلانعان بولاتىن.