الاياقتىق جاساعان يمامنىڭ ۇيىنەن قوماقتى اقشا تابىلدى

وش قالالىق سوتى وش قالاسىنىڭ قازىسى (قازىيات باسشىسى, مۋفتياتتىڭ اۋماقتىق بولىمشەسى) ميرلانبەك توكتومۋشەۆكە قاتىستى بۇلتارتپاۋ شاراسى رەتىندە ءبىر اي مەرزىمگە ۇيقاماق ءتۇرىن تاڭدادى. ول الاياقتىق جاسادى ايىپتالىپ وتىر, دەپ حابارلايدى Qandastar.kz اقپارات پورتالى. 

سوت وش جانە وش وبلىسى بويىنشا ۇلتتىق قاۋىپسىزدىك كوميتەتىنىڭ باسقارماسى تەرگەۋشىسىنىڭ ايىپتالۋشىنى ۋاقىتشا ۇستاۋ يزولياتورىنا قاماۋ تۋرالى ءوتىنىشىن قابىلدامادى.

بۇلتارتپاۋ شاراسىن تاڭداعاندا سوت توكتومۋشەۆتىڭ بۇرىن سوتتالماعانىن, تۇراقتى مەكەنجايى بارىن, ەكى كامەلەتكە تولماعان بالاسى بار ەكەنىن جانە دەنساۋلىعىندا ماسەلەلەر بارىن ەسكەردى. مەديتسينالىق كورسەتكىشتەر بويىنشا قاماۋدا ۇستاۋ مۇمكىن ەمەستىگى تۋرالى انىقتاما بەرىلگەن.

وعان قاتىستى قر قىلمىستىق كودەكسىنىڭ “قىزمەتتىك جاعدايدى پايدالانىپ ايتارلىقتاي كولەمدە الاياقتىق جاساۋ” بابى بويىنشا قىلمىستىق ءىس قوزعالدى.

3 مامىردا ۇقكب وش قالاسىنىڭ قازىياتىنىڭ جاۋاپتى قىزمەتكەرلەرىنىڭ جۇيەلى تۇردە زاڭسىز ارەكەتتەرىن توقتاتقانىن حابارلادى.

ۆەدومستۆو دەرەگىنشە, قازىيات وكىلدەرى مەشىتتەر مەن مەدرەسە قىزمەتكەرلەرىنەن زاڭسىز اقشا جيناعان, بۇل ءدىني ورتادا نارازىلىق تۋعىزعان. مەملەكەتتىك ينستيتۋتتار سەنىمىنە نۇقسان كەلتىرگەن.

مەشىتتەر مەن مەدرەسەدە جۇمىس ىستەيتىن كاسىپكەرلەردىڭ ارىزدارى بويىنشا قىلمىستىق ءىس قوزعالىپ, سوت سانكتسياسىمەن قازىياتتىڭ ءتورت قىزمەتكەرىنىڭ, ونىڭ ىشىندە ميرلانبەك توكتومۋشەۆتىڭ ۇيلەرىندە جانە جۇمىس ورىندارىندا ءتىنتۋ جۇرگىزىلدى. ءتىنتۋ ناتيجەسىندە زاڭسىز اقشا جيناۋ فاكتىلەرىنە دالەلدەر تابىلدى.

ءىس بويىنشا قازىيات قىزمەتكەرى م.ج.م. بار, ول توكتومۋشەۆپەن بىرگە بۇلتارتپاۋ شاراسى قولدانىلعانعا دەيىن ۋاقىتشا ۇستاۋ يزولياتورىندا بولعان. Kaktus.media مالىمەتىنشە تەرگەۋ امالدارى جالعاسۋدا.