الاياقتىق جاساعان پوليتسەي سوتتالدى

بۇلاندى اۋداندىق ىشكى ىستەر ءبولىمى باستىعىنىڭ بۇرىنعى ورىنباسارى, پوليتسيا پودپولكوۆنيگى مارات دوسجانوۆ پارا العانى ءۇشىن باس بوستاندىعىنان ايىرىلدى, دەپ جازادى qandastar.kz

Ulysmedia.kz مالىمەتىنشە, ۇكىم اقمولا وبلىستىق سوتىندا جاريالاندى. انىقتالعانداي, بۇرىنعى جوعارى شەندى پوليتسەي قىلمىستىق ءىستى توقتاتۋ ءۇشىن 2 ميلليون تەڭگە پارا العان. ارتىنشا ول جابىرلەنۋشىدەن تاعى ءبىر ميلليون تەڭگە تالاپ ەتىپ, باس تارتساڭ, قاماۋعا الامىز دەپ قورقىتقان.

دوسجانوۆ قىزمەتتىك بابىن پايدالانىپ, الاياقتىق جاساۋ (قك-ءنىڭ 24-بابىنىڭ 3-بولىگى, 190-بابىنىڭ 3-بولىگى, 2-تارماعى) جانە لاۋازىمدى تۇلعاعا پارا بەرۋگە يتەرمەلەگەنى (28-باپتىڭ 4-بولىگى, 367-باپتىڭ 2-بولىگى) ءۇشىن كىنالى دەپ تانىلدى.

«سوتتىڭ ۇكىمىمەن د. شەنىنەن ايرىلا وتىرىپ, 3 جىل 6 ايعا باس بوستاندىعىنان ايىرىلدى جانە ءومىر بويىنا مەملەكەتتىك قىزمەتتە لاۋازىمداردى اتقارۋعا تىيىم سالىندى. سوتتالۋشىدان 2 500 000 تەڭگە پارا مەملەكەت پايداسىنا زاڭسىز يەمدەنگەن م ۇلىك رەتىندە ءوندىرىلدى», – دەپ حابارلاندى وبلىستىق سوت ءباسپاسوز قىزمەتىنەن.

سوتتىڭ ۇكىمى زاڭدى كۇشىنە ەنگەن جوق.