ءبىلىمجاڭالىقتار
الداعى 20 جىلدا ەلىمىزدەگى جۇمىس ورىندارىنىڭ 14%-ى جويىلۋى مۇمكىن
فوتو: ەل.كز
بولاشاقتا ۇلكەن جۇمىسسىزدىق بولۋى مۇمكىن. ءماجىلىس دەپۋتاتى اسحات ايماعامبەتوۆ وسىلاي مالىمدەدى, – دەپ حابارلايدى qandastar.kz smartnews.kz-كە سىلتەمە جاساپ.
«جىلدام تەحنولوگيالىق پروگرەسس ەڭبەك سالاسىنا جاڭا سىن-قاتەرلەردى اكەلدى. جاڭا ماماندىقتار پايدا بولىپ, كەيبىر «زەينەتكەر ماماندىقتار» جاي عانا «جويىلۋدا». بولجامدارعا سايكەس, قازاقستانداعى جۇمىس ورىندارىنىڭ 52%-ى اۆتوماتتاندىرۋدىڭ تاۋەكەلىنە ۇشىرايدى. الداعى 15-20 جىلدا جۇمىس ورىندارىنىڭ 14%-ى جويىلۋى مۇمكىن, ال تاعى 32%-ى قاتتى وزگەرەدى», – دەدى ماجىلىسمەن.
دەپۋتاتتىڭ سوزىنشە, اۆتوماتتاندىرۋ جانە جاساندى ينتەللەكتتىڭ دامۋى ەڭبەك نارىعىندا ايتارلىقتاي وزگەرىستەرگە اكەلەدى.
ء«بىر جاعىنان, وسىعان بايلانىستى ۇلكەن جۇمىسسىزدىق پايدا بولسا, ال ەكىنشى جاعىنان, كادر تاپشىلىعى بولادى دەگەن بولجام بار. ياعني جاڭا جۇمىس ورىندارىندا جاساندى ينتەللەكت جۇيەلەرىمەن جۇمىس ىستەي الاتىن كادرلاردىڭ جەتىسپەۋشىلىگى وسىنداي كادر تاپشىلىعىنا الىپ كەلەدى. وسىعان وراي جۇمىس كۇشىنىڭ يكەمدىلىگىن قامتاماسىز ەتىپ, جاساندى ينتەللەكت جۇيەلەرىمەن جۇمىس ىستەۋ بويىنشا قاجەتتى قۇزىرەتتەردى بەرۋ ماڭىزدى بولىپ وتىر. الايدا وسى ماسەلەلەر بويىنشا ارەكەت ەتۋ ستراتەگياسى ءالى دە ايقىن ەمەس», – دەدى ايماعامبەتوۆ.
