Aldaǵy 20 jylda elimizdegi jumys oryndarynyń 14%-y joıylýy múmkin

Foto: el.kz

Bolashaqta úlken jumyssyzdyq bolýy múmkin. Májilis depýtaty Ashat Aımaǵambetov osylaı málimdedi, – dep habarlaıdy qandastar.kz smartnews.kz-ke silteme jasap.

«Jyldam tehnologııalyq progress eńbek salasyna jańa syn-qaterlerdi ákeldi. Jańa mamandyqtar paıda bolyp, keıbir «zeınetker mamandyqtar» jaı ǵana «joıylýda». Boljamdarǵa sáıkes, Qazaqstandaǵy jumys oryndarynyń 52%-y avtomattandyrýdyń táýekeline ushyraıdy. Aldaǵy 15-20 jylda jumys oryndarynyń 14%-y joıylýy múmkin, al taǵy 32%-y qatty ózgeredi», – dedi májilismen.

Depýtattyń sózinshe, avtomattandyrý jáne jasandy ıntellekttiń damýy eńbek naryǵynda aıtarlyqtaı ózgeristerge ákeledi.

«Bir jaǵynan, osyǵan baılanysty úlken jumyssyzdyq paıda bolsa, al ekinshi jaǵynan, kadr tapshylyǵy bolady degen boljam bar. Iaǵnı jańa jumys oryndarynda jasandy ıntellekt júıelerimen jumys isteı alatyn kadrlardyń jetispeýshiligi osyndaı kadr tapshylyǵyna alyp keledi. Osyǵan oraı jumys kúshiniń ıkemdiligin qamtamasyz etip, jasandy ıntellekt júıelerimen jumys isteý boıynsha qajetti quzyretterdi berý mańyzdy bolyp otyr. Alaıda osy máseleler boıynsha áreket etý strategııasy áli de aıqyn emes», – dedi Aımaǵambetov.