Aldaǵy kúnderi Qazaqstanda kún kúrkirep, burshaq jaýady

Qazaqstannyń kóp óńirinde 14–15 qyrkúıek aralyǵynda kún raıy turaqsyz bolyp, jańbyr, naızaǵaı, burshaq jáne qatty jel bolady, dep habarlaıdy Qandastar. kz aqparat portaly Qazgıdrometke silteme jasap.

• 14 qyrkúıekte Shyǵys Qazaqstan oblysynda qatty jańbyr, burshaq bolady;
• 14 qyrkúıek – Jetisý oblysynyń taýly aımaqtarynda nóser kútiledi;
• 15 qyrkúıek – Mańǵystaý oblysynda qatty jańbyr men jel boljanǵan.

Sınoptıkterdiń málimetinshe, respýblıkanyń soltústik-batysynda, soltústiginde, shyǵysynda jáne ortalyǵynda túngi jáne tańǵy ýaqytta tuman bolady.

Aýa temperatýrasy aıtarlyqtaı qubylady:

• Shyǵysta: túnde 0–9°, kúndiz 10–22° jyly;
• Ortalyqta: túnde 1–9°, kúndiz 12–20° jyly;
• Ońtústikte: túnde 10–16°, kúndiz 17–28° jyly;
• Soltústikte jáne soltústik-batysta: kúndiz 12–19° jyly;
• Batys pen ońtústik-shyǵysta: eleýli ózgeris kútilmeıdi.

Mamandar qazaqstandyqtarǵa mynadaı saqtyq sharalaryn usynady:

• naızaǵaı kezinde ashyq dalada qalmaý;
• qatty jel soqqanda ǵımarattarǵa jaqyn jerde panalaý;
• burshaq jaýǵan kezde kólikti aǵashtyń astyna qoımaý;
• túngi jáne tańǵy ýaqyttarda tuman kezinde jolda erekshe muqııat bolý.