Aldaǵy oıynda “Qaırattyń” qaqpasyn kim qorǵamaq?

Foto: sports.kz

18 qyrkúıekten 19 qyrkúıekke qaraǵan túni almatylyq «Qaırat» Lıssabonda Joze Alvalade stadıonynda Chempıondar lıgasynyń jalpy toptyq kezeńindegi alǵashqy matchyn «Sportıngke» qarsy ótkizedi, dep jazdy qandastar.kz. 

Aleksandr Zarýkıı men Temirlan Anarbekov jaraqat alǵandyqtan, «Sportıngke» qarsy oıynda qaqpany 18 jastaǵy úshinshi qaqpashy Sherhan Qalmurza qorǵaıdy.

Negizgi qaqpashy Aleksandr Zarýkıı 20 tamyzda Chempıondar lıgasy pleı-off kezeńiniń alǵashqy matchy — Shotlandııanyń «Seltıgine» qarsy oıynda jaraqat aldy.

Ony Temirlan Anarbekov almastyrǵan edi. Ol jaýapty oıynda qaqpasyn golsyz saqtap, penaltı serııasynda eki soqqyny qaıtaryp, «Qaırattyń» jalpy toptyq kezeńge shyǵýyna úlken úles qosty.

Alaıda 14 qyrkúıekte QPL-daǵy «Aqtóbege» qarsy matchtyń 13-mınýtynda Anarbekov qarsylas oıynshysy Ýche Agbonyń shyntaǵynan soqqy alyp, alańnan zembilmen ketti. Onyń ornyna Sherhan Qalmurza shyqty.

Matchtan keıin «Qaırattyń» bas bapkeri Rafael Ýrazbahtın Anarbekovtyń jaq súıegi synǵanyn aıtty. Qalmurzadan bólek negizgi quramda taǵy bir 18 jastaǵy qaqpashy — Dıas Reımov bar. Reımov ázirge negizgi komanda sapynda birde-bir oıyn ótkizgen joq. Sondyqtan sarapshylar portýgalııalyqtar óz múmkindigin barynsha paıdalanady jáne oıynnyń basty favorıti de  «Sportıng» dep otyr. Degenmen oıyn taǵdyry alańda sheshiledi.