«الدىمەن ءوزىڭدى جوندەپ ال»: رۇستەم جۇگىنىسوۆ ەلگە اقىل ايتامىن دەپ ءسوز ەستىدى

ونەر جولىنان الىستاپ كاسىپكە بەت بۇرعان رۇستەم جۇگىنىسوۆ جەلىدەگى پاراقشاسىندا ماڭىزدى ماسەلە كوتەردى, دەپ جازدى Qandastar.kz.

ول ەلىمىزدەگى قالا اتاۋلارىنىڭ دۇرىس ايتىلمايتىنىنا نارازىلىق ءبىلدىردى.

«وسى كوپ بايقايمىن. اقتوبەلىكتەر نەگە اقتوبە ەمەس, «اقتيۋە» دەيدى? جاڭا ۇشۋ ايماعىنا ءوتىپ بارا جاتىرسام: اكتيۋبينسككە قاي جاققا? دەپ سۇرايدى. مەن اكتيۋبينسك ەمەس, اقتوبە دەدىم. سەميپالاتينسك ەمەس, سەمەي, ۋستكامان ەمەس, وسكەمەن, ۋرالسك ەمەس, ورال. سول نارسەنى ءوزىمىز ايتۋىمىز كەرەك نەگىزى. قازاقتىڭ قالالارى ەمەس سياقتى ەستىلەدى, سول سەبەپتى ايتىلۋ جاعىن دۇرىستايىق. قازاقشا اتاۋلارى كەرەمەت قوي نەگىزى»,  — دەپ تۇيىندەدى كاسىپكەر.

جەلى قولدانۋشىلار رۇستەمنىڭ بۇل ويىنا قولداۋ بىلدىرگەن. الايدا ونىڭ ساقالىنا ءتيىسىپ, ناعىز اقتوبەلىكتەردىڭ ولاي ايتپايتىنىن جازىپ جاتقاندار دا بار.

ء«وزىمىز بىلەمىز, ەركەلەتىپ سولاي ايتامىز», «ساعان ءبارىبىر ەمەس پە قالاي ايتساق تا», «مىناۋ نە بولىپ كەتكەن», «قىرتىماسىن», ء«دال وسى رۇستەم الدىمەن ءوزىن جوندەپ السىن», دەپ جازدى ولار.