الەكساندر لۋكاشەنكو Kazinform اگەنتتىگىنە ەكسكليۋزيۆتى سۇحبات بەردى

سۇحبات بارىسىندا شىۇ-نىڭ الەۋەتى, ۇيىمعا مۇشەلىك ەتۋدىڭ بەلارۋس رەسپۋبليكاسىنا بەرەتىن مۇمكىندىكتەرى, جاھاندىق جانە ازىق-ت ۇلىك قاۋىپسىزدىگى, سونداي-اق قازاقستانمەن ىنتىماقتاستىق جايى ءسوز بولادى.

ايتا كەتەيىك, بەلارۋس رەسپۋبليكاسى شىۇ-عا 2010 جىلدان بەرى قاتىسىپ كەلەدى. باستاپقىدا ديالوگ بويىنشا ارىپتەس بولدى, كەيىن باقىلاۋشى مارتەبەسىن الدى. استانا ءسامميتى اياسىندا ۇيىمعا تولىققاندى مۇشە رەتىندە قوسىلادى. بۇل تۋرالى شىۇ باس حاتشىسى چجان مين تاشكەنتتە وتكەن شانحاي ىنتىماقتاستىق ۇيىمىنىڭ «جاڭا جاعدايداعى شىۇ ءرولى: جالپىعا بىردەي قاۋىپسىزدىك, تۇراقتىلىق جانە وركەندەۋ جولىنداعى كۇش-جىگەردى بىرىكتىرۋ» فورۋمىندا ايتقان بولاتىن.

ەسكە سالساق, 3-4 شىلدە كۇندەرى استانادا شانحاي ىنتىماقتاستىق ۇيىمىنىڭ ءسامميتى وتەدى. جيىندا شىۇ-عا مۇشە مەملەكەتتەر باسشىلارى ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ىقپالداستىقتىڭ كوپتەگەن وزەكتى ماسەلەسىن قاراستىرادى.

استانا سامميتىنەن باستاپ شانحاي ىنتىماقتاستىق ۇيىمى تولىققاندى «شانحاي وندىعى» فورماتىندا جۇمىس ىستەيدى. بۇل تۋرالى قىتايدىڭ سينحۋا اقپارات اگەنتتىگىنە سۇحبات بەرگەن مەملەكەت باسشىسى قاسىم-جومارت توقاەۆ ايتتى.