الەم كۋبوگىندا ناريمان قۇربانوۆ التىن مەدال جەڭىپ الدى

فوتو: ۇوك

تۇركيانىڭ انتاليا قالاسىندا سپورتتىق گيمناستيكادان ءوتىپ جاتقان الەم كۋبوگىنىڭ ءۇشىنشى كەزەڭى قازاقستاندىقتار ءۇشىن ولجالى بولدى, دەپ حابارلايدى qandastar.kz

پاريج وليمپياداسىنىڭ كۇمىس جۇلدەگەرى ناريمان قۇربانوۆ ات سپورتى جاتتىعۋىندا الدىنا جان سالمادى. ول 14,634 ۇپاي جينادى.

بۇل ناريماننىڭ پاريجدەن كەيىنگى العاشقى جارىسى ەدى.

تاعى ءبىر قازاقستاندىق زەينوللا ىدىرىسوۆ 14,300 ۇپايمەن كۇمىس جۇلدەگەر اتاندى.

يوردانيالىق احماد ابۋ ال ساۋد (14,200) ۇزدىك ۇشتىكتى تۇيىندەدى.

الەم كۋبوگى كەزەڭى 23 ناۋرىز كۇنى مارەسىنە جەتەدى.