Álemdegi eń qurǵaq shólge qar jaýdy

Jer betindegi eń qurǵaq jer bolyp sanalatyn Chılıdegi Atakama shólinde qar jaýdy. Bul shóldiń keıbir aımaqtarynda tipti jańbyr da jaýmaıdy, dep habarlaıdy Qandastar.kz aqparat portaly.

Bul týraly osy aımaqta ornalasqan halyqaralyq ALMA observatorııasy habarlady.

«Sený qıyn! Chılıdegi álemniń eń qurǵaq shóli – Atakamany qar basty!» – dep jazdy ALMA qyzmetkerleri X áleýmettik jelisinde.

Atakama shóli teńiz deńgeıinen eki myń metrden astam bıiktikte ornalasqan jáne óte az jaýyn-shashyn alady – keıbir aımaqtarynda jańbyr 10–15 jyl boıy múldem jaýmaıdy. Sondyqtan mundaǵy qar jaýýy – naǵyz tabıǵı qubylysqa aınaldy.

ALMA derekterine súıensek, observatorııa mańynda osyndaı qar shamamen on jyl buryn jaýǵan. Al sońǵy iri qar 2011 jyly tirkelgen – sol kezde keı jerlerge 80 santımetrge deıin qar túsken (suıyq kúıdegi 1 mm jaýyn-shashyn 1–1,5 sm qar jamylǵysyna teń bolýy múmkin).

Aýa raıynyń kúrt ózgerý sebepteri ázirge naqtylanǵan joq. Degenmen, mundaı qubylystar Tynyq muhıtynan keletin sırek atmosferalyq fronttarmen nemese jahandyq jylynýdyń saldarymen baılanysty bolýy múmkin.