جاڭالىقتار
الەمدەگى ەڭ ۇزاق رەيس: Air Astana الماتى-لوندون باعىتىندا تىكەلەي رەيستى ىسكە قوسادى
فوتو: اشىق دەرەككوز
Air Astana الماتى-لوندون باعىتىندا تىكەلەي رەيستى ىسكە قوسادى دەپ حابارلايدى Qandastar.kz اۋە كومپانيانىڭ ءباسپاسوز قىزمەتىنە سىلتەمە جاساي وتىرىپ.
Air Astana Airbus-پەن سەرىكتەسىپ, Airbus A321LR ۇشاعىنا قوسىمشا وتىن باكتارىن ورناتا وتىرىپ, ءوزىنىڭ الىس ماگيسترالدى رەيستەرىنىڭ تيىمدىلىگىن ارتتىرادى. بۇل تەحنيكالىق ايالداۋلارسىز الىس قاشىقتىققا قونباي ۇشۋعا مۇمكىندىك بەرەدى.
4 قازاننان باستاپ اۋەكومپانيا 2022 جىلدان باستاپ اقتاۋعا تەحنيكالىق ايالدامامەن ورىندالاتىن الماتى-لوندون باعىتى بويىنشا قونباستان ۇشۋلاردى قايتا باستاۋدى جوسپارلاپ وتىر. ۇشۋ ۋاقىتى 1,5 ساعاتقا ازايىپ, 9 ساعات 35 مينۋتتى قۇرايدى.
بۇل تۇرلەنىم وپەراتسيالىق تيىمدىلىكتى ارتتىرۋ بويىنشا Air Astana-نىڭ ۇزاق مەرزىمدى ستراتەگياسىنىڭ نەگىزگى قۇرامداس بولىگى. ول بارلىق قاجەتتى تەحنيكالىق اسپەكتىلەر مەن قاۋىپسىزدىك اسپەكتىلەرىن قامتيدى, جولاۋشىلارعا الىس ماگيسترالدىق رەيستەر ءۇشىن نەعۇرلىم قولايلى جاعدايدى قامتاماسىز ەتەدى جانە اۋەكومپانيانىڭ وپەراتسيالىق كورسەتكىشتەرىن جاقسارتادى.
