«الەمدىك رەكورد»: قازاق اكروباتى شىمبۇلاقتا ەكستريمالدى تريۋك جاساپ, كوپشىلىكتى قايران قالدىردى

قازاقستاندىق اكروبات عالىمجان اۋەسباي الەۋمەتتىك جەلىدە 9 ورىندىقتىڭ كومەگىمەن شىڭدى باعىندىعان ۆيدەوسىن جاريالادى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

عالىمجان اۋەسباي شىمبۇلاقتا بيىكتىگى 3200 مەتر شىڭدى بار-جوعى 9 ورىندىقپەن باعىندىردى.

“جۇرەگى اۋىراتىندار بۇل ۆيدەونى كورمەسىن. 3200 مەتر شىڭدى 9 ورىندىقپەن باعىندىرۋعا بولاتىن ەكستريمالدى تريۋك”, – دەپ جازبا قالدىردى اكروبات.

بەينەجازبا الەۋمەتتىك جەلىدە 100 مىڭعا جۋىق قارالىم جينادى.

ۆيدەوعا قاتىستى شىمبۇلاق تاۋ كۋرورتىنىڭ اكىمشىلىگى پىكىر ءبىلدىردى.

“كەرەمەت عاجاپ ۆيدەو. بىراق شىمبۇلاق تاۋ كۋرورتى وزىڭىزدىڭ جانە اينالاداعى ادامداردىڭ قاۋىپسىزدىگى ءۇشىن كەلەسى جولى ونداي ءىس-شارانى قايتالاماۋعا كەڭەس بەرەمىز”, – دەپ جازدى.

جەلى قولدانۋشىلارى اكروباتتىڭ تەپە-تەڭدىك ۇستاي وتىرىپ, باتىلدىعى مەن شەبەرلىگىنىڭ ارقاسىندا كەرەمەت ناتيجە كورسەتكەنىن ايتىپ, تاڭعالدى.

“قورقىنىش دەگەندى بىلمەيدى-اۋ”, “مونتاج, مەن سەنبەيمىن”, “كەرەمەت, عاجاپ ۆيدەو”, “ماقتانىشىمىز”, “شىنىمەندە جۇرەك جۇتقان ەكەنسىڭ عوي”, “الەمدىك رەكورد قوي مىناۋ”, “مىنانى الەم كورۋ كەرەك”, – دەپ جازدى جەلى قولدانۋشىلارى.