Jańalyqtar
«Álemdik rekord»: Qazaq akrobaty Shymbulaqta ekstrımaldy trıýk jasap, kópshilikti qaıran qaldyrdy
Foto: vıdeodan kadr
Beınejazba áleýmettik jelide 100 myńǵa jýyq qaralym jınady.
Qazaqstandyq akrobat Ǵalymjan Áýesbaı áleýmettik jelide 9 oryndyqtyń kómegimen shyńdy baǵyndyǵan vıdeosyn jarııalady, dep habarlaıdy qandastar.kz Skifnews.kz aqparat portalyna silteme jasap.
Ǵalymjan Áýesbaı Shymbulaqta bıiktigi 3200 metr shyńdy bar-joǵy 9 oryndyqpen baǵyndyrdy.
“Júregi aýyratyndar bul vıdeony kórmesin. 3200 metr shyńdy 9 oryndyqpen baǵyndyrýǵa bolatyn ekstrımaldy trıýk”, – dep jazba qaldyrdy akrobat.
Beınejazba áleýmettik jelide 100 myńǵa jýyq qaralym jınady.
Vıdeoǵa qatysty Shymbulaq taý kýrortynyń ákimshiligi pikir bildirdi.
“Keremet ǵajap vıdeo. Biraq Shymbulaq taý kýrorty ózińizdiń jáne aınaladaǵy adamdardyń qaýipsizdigi úshin kelesi joly ondaı is-sharany qaıtalamaýǵa keńes beremiz”, – dep jazdy.
Jeli qoldanýshylary akrobattyń tepe-teńdik ustaı otyryp, batyldyǵy men sheberliginiń arqasynda keremet nátıje kórsetkenin aıtyp, tańǵaldy.
“Qorqynysh degendi bilmeıdi-aý”, “Montaj, men senbeımin”, “Keremet, ǵajap vıdeo”, “Maqtanyshymyz”, “Shynymende júrek jutqan ekensiń ǵoı”, “Álemdik rekord qoı mynaý”, “Mynany álem kórý kerek”, – dep jazdy jeli qoldanýshylary.
