Álemge áıgili Pavel Dýrov qazaq balalaryn tegin oqytpaq

Foto: ashyq derekkóz

Álemge áıgili telegram jelisiniń negizin qalaýshy Pavel Dýrov qazaq balalaryn tegin oqytady. Bul jaıynda IQanat jobasynyń ıdeıa avtory, negizin qalaýshy jáne bas demeýshisi – elimizge belgili kásipker Aıdyn Rahymbaev málimdedi, dep habarlaıdy Alash.kz ulttyq portalyTurkistan.kz saıtyna silteme jasap. 

Ataqty Pavel Dýrov aýyl balalaryna IQanat mektebine 356 000 dollar kóleminde 12 grant bóldi.

«Qazaqstanǵa, sonyń ishinde Býrabaıǵa kelgen Pavel Google Map-te bizdiń mektepti kórip, qyzyǵýshylyq tanytqan edi. Onyń ótinishin birden qabyl aldyq. Sapar barysynda ol oqý proesi jaıly egjeı-tegjeıin suraı bastady, on myńdaǵan aýyl balalarynyń qaı formaty tańdalatynyn bilgisi keldi. Onyń qyzyǵýshylyǵy artyp, kóp suraq qoıdy. Bir kezderi ol daryndy balalarǵa arnalǵan mektepti ózi bitirgen eken. Meni tańqaldyrǵany, ol mektepte uzaq ýaqyt boldy jáne mekteptiń oqý erekshelikterimen egjeı-tegjeıli tanysty. Oqý jyldarynda aýyldan kelgen qarapaıym balalardyń qanshalyqty ózgeretinin bilgen ol grantqa túse almaǵan birneshe balanyń oqý aqysyn tólep bergisi keletinin aıtty», – dep jazdy Aıdyn Rahymbaev.

Onyń aıtýynsha, Pavel Dýrov ózi usynǵan grantqa laıyq aýyl balalaryn ózi zerttep, irikteýge qatysqan.

«Kelesi eki aptada biz onymen belsendi túrde hat jazystyq. Ol úmitkerlerdi jeke ózi suryptap, olardyń upaılaryn jáne odan da basqa qosymsha aqparatty suraǵan kezde men qatty tań qaldym.. Elestetip kórińizshi, 15 mıllıard dollardan astam baılyǵy bar adam, álemniń 100 elinde halyqaralyq korporaııanyń ıesi sanalatyn tulǵa ózi úshin kishkentaı bolyp kórinetin, biraq mańyzdy ispen aınalysyp otyr. Ol balalar týraly kóbirek bilgennen keıin granttar sanyn 12-ge arttyrdy!», –  dedi jazba avtory.

Aıta keteıik, «VKontakte» áleýmettik jelisiniń jáne Telegram messendjeriniń negizin qalaýshy Pavel Dýrovta bala kúninde osyǵan uqsas daryndy balalar mektebinde bilim alǵan