الەمگە تانىمال پورنو اكتريسانى شاقىرعان: استانادا وتكەن تۋرنيردە شۋ شىقتى

قازاقستاندا ءوتىپ جاتقان حالىقارالىق كيبەرسپورت ءتۋرنيرىن ۇيىمداستىرۋشىلار اتاقتى پورنواكريسانى قوناققا شاقىردى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

تۋريزم جانە سپورت مينيسترلىگى ەرەسەكتەرگە ارنالعان فيلمدەردىڭ اكتريساسى ەۆا ەلفيدىڭ 2025 جىلعى PGL Major Astana كيبەرتۋرنيرىنە قاتىسۋىنا بايلانىستى تۇسىنىكتەمە بەردى.

«اتالعان كيبەرسپورتتىق ءتۋرنيردى تۋريزم جانە سپورت مينيسترلىگى ۇيىمداستىرماعانىن رەسمي تۇردە مالىمدەيمىز. ءتۋرنيردى ۇيىمداستىرۋ جانە وتكىزۋ فۋنكتسيالارىن حالىقارالىق تاۋەلسىز كيبەرسپورت ۇيىمى — PGL Esports جۇزەگە اسىرۋدا. ءتۋرنيردى وتكىزۋگە بايلانىستى شەشىمدەر, ونىڭ ىشىندە قوناقتار مەن ارنايى تۇلعالاردى شاقىرۋ – ۇيىمداستىرۋشىلاردىڭ دەربەس قۇزىرەتىندە»,- دەلىنگەن حابارلامادا.

مينيسترلىكتىڭ مالىمدەۋىنشە, ۆەدومستۆو تەك جالپى سپورتتىق ۇدەرىستى باقىلاۋ, تەحنيكالىق تالاپتاردىڭ ساقتالۋىن جانە ەلدەگى حالىقارالىق سپورتتىق تۋرنيرلەردىڭ قاۋىپسىز ءارى زاڭ شەڭبەرىندە ءوتۋىن قاداعالاۋدى قامتاماسىز ەتەدى.

PGL Astana 2025 — Counter-Strike 2 (CS2) بويىنشا الەمدىك دەڭگەيدەگى ءىرى كيبەرسپورتتىق تۋرنير.  2025 جىلدىڭ 10-18 مامىرى ارالىعىندا قازاقستاننىڭ استانا قالاسىندا ورنالاسقان بارىس ارەنادا  وتىپ جاتىر.

ايتا كەتسەك, 28 جاستاعى رەسەيلىك پورنواكريسا ەۆا ەلفيدىڭ شىن اتى —  يۋليا رومانوۆا. ول 2018 جىلدان باستاپ ەرەسەكتەرگە ارنالعان فيلمدەرگە تۇسە باستاعان. 2019  جىلى ءوزى جەكە كانال اشىپ, العاشقى ۆيدەوسىن جاريالايدى. ونى ءبىر جىل ىشىندە 53 ملن ادام كورەدى. ءتىپتى پورنويندۋسترياداعى اتاعى ءۇشىن بىرنەشە رەت ماراتپاتقا يە بولعان. وسى ۋاقىتقا دەيىن اكتريسا 100 شاقتى پورنو فيلمگە تۇسكەن.