Álemge tanymal porno aktrısany shaqyrǵan: Astanada ótken týrnırde shý shyqty

Qazaqstanda ótip jatqan halyqaralyq kıbersport týrnırin uıymdastyrýshylar ataqty pornoakrısany qonaqqa shaqyrdy, dep habarlaıdy qandastar.kz Skifnews.kz aqparat portalyna silteme jasap.

Týrızm jáne Sport mınıstrligi eresekterge arnalǵan fılmderdiń aktrısasy Eva Elfıdiń 2025 jylǵy PGL Major Astana kıbertýrnırine qatysýyna baılanysty túsinikteme berdi.

«Atalǵan kıbersporttyq týrnırdi Týrızm jáne sport mınıstrligi uıymdastyrmaǵanyn resmı túrde málimdeımiz. Týrnırdi uıymdastyrý jáne ótkizý fýnkııalaryn halyqaralyq táýelsiz kıbersport uıymy — PGL Esports júzege asyrýda. Týrnırdi ótkizýge baılanysty sheshimder, onyń ishinde qonaqtar men arnaıy tulǵalardy shaqyrý – uıymdastyrýshylardyń derbes quzyretinde»,- delingen habarlamada.

Mınıstrliktiń málimdeýinshe, vedomstvo tek jalpy sporttyq úderisti baqylaý, tehnıkalyq talaptardyń saqtalýyn jáne eldegi halyqaralyq sporttyq týrnırlerdiń qaýipsiz ári zań sheńberinde ótýin qadaǵalaýdy qamtamasyz etedi.

PGL Astana 2025 — Counter-Strike 2 (CS2) boıynsha álemdik deńgeıdegi iri kıbersporttyq týrnır.  2025 jyldyń 10-18 mamyry aralyǵynda Qazaqstannyń Astana qalasynda ornalasqan Barys Arenada  ótip jatyr.

Aıta ketsek, 28 jastaǵy reseılik pornoakrısa Eva Elfıdiń shyn aty —  Iýlııa Romanova. Ol 2018 jyldan bastap eresekterge arnalǵan fılmderge túse bastaǵan. 2019  jyly ózi jeke kanal ashyp, alǵashqy vıdeosyn jarııalaıdy. Ony bir jyl ishinde 53 mln adam kóredi. Tipti pornoındýstrııadaǵy ataǵy úshin birneshe ret maratpatqa ıe bolǵan. Osy ýaqytqa deıin aktrısa 100 shaqty porno fılmge túsken.