Qarjy jáne tólemder
Áleýmettik qordan 50 myń teńge tólenetini týraly aqparat tarady – mınıstrlik ne deıdi?
Sputnik Eńbek jáne halyqty áleýmettik qorǵaý mınıstrligi áleýmettik qordan qazaqstandyqtarǵa 50 myń teńge tólenetini týraly aqparatty joqqa shyǵardy.
«1949-1998 jyldar aralyǵynda týǵan Qazaqstan azamattaryna osy jyldyń 26 maýsymynan bastap belgisiz áleýmettik qordan 50 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy», — dep habarlady vedomstvo.
Mınıstrlik áleýmettik kómektiń mundaı túri joq ekenin eskertti.
«Habarlamada kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz», — dep jazylǵan aqparatta.
Aıta keteri, memlekettik qoldaý sharalary týraly resmı aqparat tek 1414 nómirinen SMS-habarlamalar arqyly taratylady.
Eńbek jáne halyqty áleýmettik qorǵaý mınıstrligi jalǵan aqparat taratý zańmen jazalanatynyn eske saldy.
