جاڭالىقتار
الەۋمەتتىك جەلىدە جالا جاپقانى ءۇشىن جارتى ميلليون تەڭگەگە جۋىق اقشا تولەمەك
فوتو: bureau.kz
تۇركىستان وبلىسىنىڭ تۇرعىنى مەكتەپ ديرەكتورىن جەمقورلىققا قاتىسى بار دەپ ايىپتاپ, ەندى الەۋمەتتىك جەلى ارقىلى جالا جاپقانى ءۇشىن 465 مىڭ تەڭگە تولەيتىن بولدى, دەپ حابارلايدى Qandastar.kz Otyrar. سىلتەمە جاساپ.
ايەل Facebook جەلىسىندەگى پاراقشاسىندا اۋداندىق ورتا مەكتەپ ديرەكتورىنىڭ جەمقورلىققا قاتىسى بارىن جانە بۇل قىزمەتتە جۇمىس ىستەمەۋى كەرەكتىگىن جازعان. ءوز كەزەگىندە مەكتەپ ديرەكتورى بۇل اقپاراتتىڭ جالعان ەكەنىن جانە ونىڭ بەدەلىنە نۇقسان كەلتىرەتىنىن ايتتى. جانە ول قولدانۋشىنىڭ ۇستىنەن سوتقا شاعىم ءتۇسىردى.
«سوت وتىرىسىندا قۇقىق بۇزۋشى ءوز كىناسىن مويىنداپ, كەشىرىم سۇرادى. سوت قاۋلىسىمەن ول كىنالى دەپ تانىلىپ, وعان 465 192 تەڭگە كولەمىندە اكىمشىلىك ايىپپۇل سالىندى. سوت قۇقىق بۇزۋشىنىڭ جۇكتىلىگىن جانە شىن جۇرەكتەن وكىنگەنىن ەسكەرىپ, جابىرلەنۋشى مەن سوتتان كەشىرىم سۇراپ, اكىمشىلىك ايىپپۇلدىڭ مولشەرىن 30%-عا قىسقارتتى», – دەدى تۇلكىباس اۋداندىق سوتىنىڭ وكىلدەرى.
