الەۋمەتتىك جەلىلەردەگى «ادەمى ءومىردىڭ» جارناماسى جاستارعا زيانىن تيگىزەدى – توقاەۆ

فوتو: اشىق دەرەككوز

پرەزيدەنت قاسىم-جومارت توقاەۆ الەۋمەتتىك جەلىلەردەگى “ادەمى ءومىردىڭ” جارناماسى تۋرالى ايتتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

پرەزيدەنتتىڭ ايتۋىنشا, الەۋمەتتىك جەلىلەردەگى ادەمى ءومىر جانە «ۋسپەشنىي ۋسپەح» كۋلتى ادامداردا بارىنە وڭاي جانە قاراپايىم جولمەن قول جەتكىزۋگە بولادى دەگەن وي تۋدىرادى. پرەزيدەنت جاستاردىڭ وسىعان سەنىپ, ۋاقىتتارىن بوسقا وتكىزىپ جاتقانىن اتاپ ءوتتى.

«بۇگىندە الەۋمەتتىك جەلىلەردەگى ادەمى ءومىر مەن ء«ساتتى جەتىستىك» دەپ اتالاتىن اگرەسسيۆتى جارناما ادامداردا بارىنە قول جەتكىزۋ وڭاي جانە قاراپايىم دەگەن وي تۋدىرادى. كەيبىر جاستار وسىعان سەنىپ, قىمبات ۋاقىتتارىن بوسقا وتكىزەدى. شىنى كەرەك, كەز كەلگەن جەتىستىكتىڭ ارتىندا تىنىمسىز ەڭبەك جاتىر», – دەدى توقاەۆ اۋىل شارۋاشىلىعى ەڭبەكەرلەرىنىڭ بىرىنشى فورۋمىندا سويلەگەن سوزىندە.

پرەزيدەنت ەڭبەكقورلىق پەن جاۋاپكەرشىلىك ۇلتىمىزعا ءتان قاسيەتكە اينالۋى ءتيىس ەكەنىن اتاپ ءوتتى.

«مەن ەلىمىزدىڭ ءاربىر ازاماتىنىڭ ومىرلىك ماقساتىنىڭ ادال ءارى جاۋاپتى ەڭبەك ارقىلى تابىسقا جەتۋ بولعانىن قالايمىن. «جاۋاپكەرشىلىگى مول ازامات – ادال ەڭبەك – ادال تابىس» قاعيداسىنىڭ مانى دە وسىندا», – دەدى پرەزيدەنت.

پرەزيدەنت جاستارعا سەنەتىنىن باسا ايتتى. سونداي-اق مەملەكەت باسشىسى اۋىل شارۋاشىلىعى سالاسى جاستاردىڭ ءوزىن-ءوزى دامىتاۋىنا كەڭ مۇمكىندىكتەر اشا الاتىنىنا سەنىم ءبىلدىردى.

ەسكە سالساق, بۇعان دەيىن توقاەۆ بىرنەشە ادام الەۋمەتتىك كومەك الاتىن وتباسىلاردى سىنعا العان ەدى.