Áleýmettik jelilerdegi «ádemi ómirdiń» jarnamasy jastarǵa zııanyn tıgizedi – Toqaev

Foto: ashyq derekkóz

Prezıdent Qasym-Jomart Toqaev áleýmettik jelilerdegi “ádemi ómirdiń” jarnamasy týraly aıtty. Bul týraly qandastar.kz Stan.kz aqparat agenttigine silteme jasap habarlaıdy.

Prezıdenttiń aıtýynsha, áleýmettik jelilerdegi ádemi ómir jáne «ýspeshnyı ýspeh» kýlti adamdarda bárine ońaı jáne qarapaıym jolmen qol jetkizýge bolady degen oı týdyrady. Prezıdent jastardyń osyǵan senip, ýaqyttaryn bosqa ótkizip jatqanyn atap ótti.

«Búginde áleýmettik jelilerdegi ádemi ómir men «sátti jetistik» dep atalatyn agressıvti jarnama adamdarda bárine qol jetkizý ońaı jáne qarapaıym degen oı týdyrady. Keıbir jastar osyǵan senip, qymbat ýaqyttaryn bosqa ótkizedi. Shyny kerek, kez kelgen jetistiktiń artynda tynymsyz eńbek jatyr», – dedi Toqaev aýyl sharýashylyǵy eńbekerleriniń birinshi forýmynda sóılegen sózinde.

Prezıdent eńbekqorlyq pen jaýapkershilik ultymyzǵa tán qasıetke aınalýy tıis ekenin atap ótti.

«Men elimizdiń árbir azamatynyń ómirlik maqsatynyń adal ári jaýapty eńbek arqyly tabysqa jetý bolǵanyn qalaımyn. «Jaýapkershiligi mol azamat – adal eńbek – adal tabys» qaǵıdasynyń máni de osynda», – dedi prezıdent.

Prezıdent jastarǵa senetinin basa aıtty. Sondaı-aq memleket basshysy aýyl sharýashylyǵy salasy jastardyń ózin-ózi damytaýyna keń múmkindikter asha alatynyna senim bildirdi.

Eske salsaq, buǵan deıin Toqaev birneshe adam áleýmettik kómek alatyn otbasylardy synǵa alǵan edi.