“العاش رەت مينيسترلىكتەر عيماراتىن نىساناعا الدى” — پۋتين قىتايعا ساپارىنان سوڭ سوعىس قيمىلىن وزگەرتتى

رەسەي پرەزيدەنتى ۆلاديمير ءپۋتيننىڭ بەيجىڭگە ساپارىنان سوڭ ۋكرايناعا قارسى قيمىلدارى جاڭا دەڭگەيگە شىقتى, دەپ حابارلايدى qandastar.kz Alash.KZ-كە سىلتەمە جاساپ.

The Times باسىلىمىنىڭ جازۋىنشا, ماسكەۋ كيەۆكە قارسى سوعىس تاريحىنداعى ەڭ اۋقىمدى شابۋىلدى ىسكە اسىردى. بۇل جولى زىمىراندار ۋكراينانىڭ مينيسترلەر كابينەتى عيماراتىن دا نىساناعا العان. مۇنداي سوققى سوعىس باستالعالى 3,5 جىلدا العاش رەت تىركەلىپ وتىر.

باسىلىم دەرەگىنە سۇيەنسەك, قىتايدا وتكەن كەلىسسوزدەر كەزىندە پۋتين مەن توراعا سي تسزينپين ستراتەگيالىق ارىپتەستىكتى تەرەڭدەتىپ, ەنەرگەتيكالىق ىنتىماقتاستىقتى تالقىلاعان. اڭگىمە وزەگى ء“سىبىر قۋاتى-2” گاز قۇبىرى توڭىرەگىندە وربىگەن. بۇل كەلىسسوزدەر رەسەي مەن قىتاي بايلانىسىنىڭ جاڭا بەلەسىن ايقىنداعانداي.

ءپۋتيننىڭ قىتايدان ورالعان بەتتە جاساعان اسكەري قادامى حالىقارالىق قاۋىمداستىقتىڭ نازارىن بىردەن وزىنە اۋدارىپ, سوعىس ءورتى ءالى دە ءورشي ءتۇسۋى مۇمكىن دەگەن الاڭداۋشىلىقتى كۇشەيتتى.