“Alǵash ret Mınıstrlikter ǵımaratyn nysanaǵa aldy” — Pýtın Qytaıǵa saparynan soń soǵys qımylyn ózgertti

Reseı prezıdenti Vladımır Pýtınniń Beıjińge saparynan soń Ýkraınaǵa qarsy qımyldary jańa deńgeıge shyqty, dep habarlaıdy qandastar.kz Alash.KZ-ke silteme jasap.

The Times basylymynyń jazýynsha, Máskeý Kıevke qarsy soǵys tarıhyndaǵy eń aýqymdy shabýyldy iske asyrdy. Bul joly zymyrandar Ýkraınanyń mınıstrler kabıneti ǵımaratyn da nysanaǵa alǵan. Mundaı soqqy soǵys bastalǵaly 3,5 jylda alǵash ret tirkelip otyr.

Basylym deregine súıensek, Qytaıda ótken kelissózder kezinde Pýtın men tóraǵa Sı zınpın strategııalyq áriptestikti tereńdetip, energetıkalyq yntymaqtastyqty talqylaǵan. Áńgime ózegi “Sibir qýaty-2” gaz qubyry tóńireginde órbigen. Bul kelissózder Reseı men Qytaı baılanysynyń jańa belesin aıqyndaǵandaı.

Pýtınniń Qytaıdan oralǵan bette jasaǵan áskerı qadamy halyqaralyq qaýymdastyqtyń nazaryn birden ózine aýdaryp, soǵys órti áli de órshı túsýi múmkin degen alańdaýshylyqty kúsheıtti.