«العاشقى نەكەدەگى كۇيەۋىممەن 11 جىلدان سوڭ اجىراستىق». جاننا ۋرازباحوۆا جەكە ءومىرى تۋرالى العاش رەت ايتتى

فوتو: ۆيدەودان كادر

سالتانات نۇكەنوۆانىڭ وتباسىنىڭ قورعاۋشىسى جاننا ۋرازباحوۆا «مامسكي اڭگىمە» youtube-ارناسىنا بەرگەن سۇحباتىندا جەكە ءومىرى تۋرالى العاش رەت ايتتى, – دەپ حابارلايدى qandastar.kz  Massaget.kzءتىلشىسى.

ونىڭ ايتۋىنشا, العاشقى نەكەدەگى كۇيەۋىنەن ەكى بالاسى بار.

ء«ۇش بالام بار. مۇنى العاش رەت وسى سۇحباتتا ايتىپ وتىرمىن. العاشقى نەكەدەگى كۇيەۋىممەن ەشقانداي ايقاي-شۋسىز اجىراستىق. ەكەۋمىز بىرگە 11 جىل ءومىر ءسۇرىپپىز. ءبىزدىڭ كوزقاراسىمىز ەكى ءتۇرلى بولدى, بولاشاقتى دا ەكەۋمىز ەكى كوزقاراسپەن قارايتىن ەدىك. ول كەزدە قىزىمىز 11-دە, ۇلىم 4 جاستا بولدى. بالالارىمنىڭ ءبىزدى ۇنەمى شارشاڭقى, ەشتەڭەگە كوڭىلى تولمايتىن, باقىتسىز, ۇرىسقاق تۇردە كورگەنىن قالامادىم. وتىرىپ ەكەۋمىز سويلەستىك, سوتقا باردىق. سول كەزدە سۋديانىڭ «اجىراسۋدىڭ سەبەبى نە» دەپ سۇراعانى ەسىمدە. ء«بىز ءارى قاراي بىرگە ءومىر سۇرە المايمىز. اجىراسقىمىز كەلەدى» دەدىم. سوسىن اجىراستىق, دۇنيە م ۇلىكتى ءبولىپ الدىق. بىراق ءبىر نارسەگە كەلىسىپ الدىق, «ەرلى-زايىپتىلىق ءومىردى دوعارعانىمىزبەن اتا-انا بولۋ مىندەتىمىز جالعاسادى» دەدىك. بالالار اكەلەرىن قاتتى جاقسى كورەدى, الىپ كەتىپ ويناتادى, بىرگە ۋاقىت وتكىزەدى. ونىڭ اپكەسى مەنىڭ ەڭ جاقىن قۇربىم. ءبىز ءالى كۇنگە دەيىن بىرگە ساياحاتتاپ تۇرامىز. ۇشىنشىمە اياعىم اۋىر كەزدە رەانيماتسياعا ءتۇسىپ قالدىم. سول كەزدە بالالار اكەسىنىڭ قاسىندا بولدى. مۇنىڭ ءبارى قالىپتى, دۇرىس قارىم-قاتىناس دەپ ويلايمىن», – دەدى ول.

جاننا ۋرازباحوۆا قازىرگى جولداسىن بالالارى دا قاتتى جاقسى كورەتىنىن ايتتى.

«ودان كەيىن مەن تۇرمىسقا شىقتىم. ءۇشىنشى ءسابيىم دۇنيەگە كەلدى. كۇيەۋىممەن قۇربىم ۇيىمداستىرعان مەرەكەلىك شارادا تانىستىق. بىزدە ناعىز ماحاببات دەپ ايتار ەدىم. بالالارىم كۇيەۋىمدى دوسىنداي كورەدى. كۇيەۋىم وتە جومارت. قۋانعانىمدى كورۋ ءۇشىن سوڭعى دۇنيەسىن قيۋعا ءازىر. سول ءۇشىن ۇنەمى «ساراڭ جىگىتكە تۇرمىسقا شىقپاڭدار» دەپ ءجيى ايتامىن. ەڭ باستىسى اجىراسۋدان كەيىن ءومىر توقتاپ قالمايدى», – دەدى ول.