«Alǵashqy nekedegi kúıeýimmen 11 jyldan soń ajyrastyq». Janna Ýrazbahova jeke ómiri týraly alǵash ret aıtty

Foto: vıdeodan kadr

Saltanat Núkenovanyń otbasynyń qorǵaýshysy Janna Ýrazbahova «Mamskıı áńgime» youtube-arnasyna bergen suhbatynda jeke ómiri týraly alǵash ret aıtty, – dep habarlaıdy qandastar.kz  Massaget.kztilshisi.

Onyń aıtýynsha, alǵashqy nekedegi kúıeýinen eki balasy bar.

«Úsh balam bar. Muny alǵash ret osy suhbatta aıtyp otyrmyn. Alǵashqy nekedegi kúıeýimmen eshqandaı aıqaı-shýsyz ajyrastyq. Ekeýmiz birge 11 jyl ómir súrippiz. Bizdiń kózqarasymyz eki túrli boldy, bolashaqty da ekeýmiz eki kózqaraspen qaraıtyn edik. Ol kezde qyzymyz 11-de, ulym 4 jasta boldy. Balalarymnyń bizdi únemi sharshańqy, eshteńege kóńili tolmaıtyn, baqytsyz, urysqaq túrde kórgenin qalamadym. Otyryp ekeýmiz sóılestik, sotqa bardyq. Sol kezde sýdıanyń «ajyrasýdyń sebebi ne» dep suraǵany esimde. «Biz ári qaraı birge ómir súre almaımyz. Ajyrasqymyz keledi» dedim. Sosyn ajyrastyq, dúnıe múlikti bólip aldyq. Biraq bir nársege kelisip aldyq, «erli-zaıyptylyq ómirdi doǵarǵanymyzben ata-ana bolý mindetimiz jalǵasady» dedik. Balalar ákelerin qatty jaqsy kóredi, alyp ketip oınatady, birge ýaqyt ótkizedi. Onyń ápkesi meniń eń jaqyn qurbym. Biz áli kúnge deıin birge saıahattap turamyz. Úshinshime aıaǵym aýyr kezde reanımaııaǵa túsip qaldym. Sol kezde balalar ákesiniń qasynda boldy. Munyń bári qalypty, durys qarym-qatynas dep oılaımyn», – dedi ol.

Janna Ýrazbahova qazirgi joldasyn balalary da qatty jaqsy kóretinin aıtty.

«Odan keıin men turmysqa shyqtym. Úshinshi sábıim dúnıege keldi. Kúıeýimmen qurbym uıymdastyrǵan merekelik sharada tanystyq. Bizde naǵyz mahabbat dep aıtar edim. Balalarym kúıeýimdi dosyndaı kóredi. Kúıeýim óte jomart. Qýanǵanymdy kórý úshin sońǵy dúnıesin qııýǵa ázir. Sol úshin únemi «sarań jigitke turmysqa shyqpańdar» dep jıi aıtamyn. Eń bastysy ajyrasýdan keıin ómir toqtap qalmaıdy», – dedi ol.