جاڭالىقتار
«ءالى قىز بەن جىگىت سياقتىمىز»: داستان ورازبەكوۆ ءبىر عانا ايەلدى ءسۇيۋدىڭ قۇپياسىمەن ءبولىستى
تانىمال ءانشى داستان ورازبەكوۆ جۋرناليست ايگەرىم سەيفوللاعا بەرگەن سۇحباتىندا وتباسىنىڭ بەرىكتىگىنىڭ, ءبىر عانا ايەلگە ادالدىعىنىڭ قۇپياسىمەن ءبولىستى, دەپ حابارلايدى Qandastar.kz.
ايگەرىم ونەر يەسىنەن ونىڭ وتباسىنىڭ تۇراقتىلىعىنىڭ, ايەلىمەن سونشا جىلدان بەرى تاتۋ بولۋىنىڭ سىرى نەدە ەكەنىن سۇرادى.
ونىڭ وتباسى قۇرعانىنا جيىرما جىلدان استام ۋاقىت بولعان.
«ەڭ باستىسى, تاڭداعان كەزدە ماحاببات بولۋى كەرەك دەپ ويلايمىن. ءبىز ءالى كۇنگە دەيىن قىز-جىگىت سياقتى جۇرەمىز. قيتىعىمىز بار, تەرىس قاراپ قالامىز. بىراق ەڭ باستى نارسە, مۇنى پسيحولوگتار دا ايتادى اڭگىمەلەسۋ كەرەك. مىندەتتى تۇردە ديالوگ بولۋى كەرەك. ەكى ادامنىڭ ەگەر بىرىگىپ ءومىر سۇرەمىن دەسە ءبىر-بىرىنە دەگەن ەگولارى قالماۋى كەرەك. ەگو بولماۋى كەرەك. بىرەۋى ەگوسىن باسىپ ەكىنشىسى قالىپتى بولىپ جۇرە بەرە الادى. ال ەگەر ەكەۋى دە ەگوسىن باساتىن بولسا, ول جۇپ قۇلپىرادى», — دەدى ءانشى.
