Álıev «Rossotrýdnıchestvony» elden qýyp jatyr

Arhıvnoe foto

Álıev «Rossotrýdnıchestvony» elden qýyp jatyr, dep jazady qandastar.kz

Ázerbaıjan bıligi Kremldiń «Rossotrýdnıchestvo» agenttigin el aýmaǵynan shyǵarý jóninde resmı nota jiberdi. Bul týraly Report basylymy derekkózderine silteme jasap habarlady dep jazady Áshkere. «Rossotrýdnıchestvo» Reseıdiń syrtqy mádenı jáne gýmanıtarlyq jobalaryn nasıhattaýmen aınalysatyn uıym retinde tanylsa da

Ázerbaıjandyq resmı tulǵalardyń aıtýynsha, el syrtqy kúshterdiń ishki isterge aralasýyna jol bermeıdi. «Ulttyq múddeni qorǵaý jolynda qoldan kelgenniń bárin jasaımyz. Ashyqtan-ashyq barlaý qyzmetin júrgizetin, kúmándi, jabyq shemalary kóp álgindeı uıymdardy erte bastan elden qýý kerek», – deıdi derekkózder. Agenttiktiń qyzmetine qatysty másele buǵan deıin de týyndaǵan: jaqynda Ázerbaıjan quqyq qorǵaý organdary Bakýdegi «Reseı úıi» ǵımaratyn (sol «Rossotrýdnıchestvo» uıymy paıdalanǵan keńse) tekserip, onyń elde resmı tirkeýden ótpegenin anyqtady. AQSh-tyń USAID agenttigine qatysty da osyǵan uqsas sheshim qabyldanǵan. Donald Tramp uıymdy taratý máselesin kótermeı turyp-aq, Baký agenttiktiń esigine qulyp salǵan edi. El bıligine jaqyn derekkózder «Ázerbaıjan osy arqyly syrtqy yqpaldyń kez kelgen túrin shekteýge bel býyp otyr» dep túsindiredi.