جاڭالىقتار
اليمەنتتى از تولەۋ ءۇشىن تابىسىن جاسىراتىندار انىقتالماق
فوتو: اشىق دەرەككوز
اليمەنتتى از تولەۋ ءۇشىن تابىسىن جاسىراتىندار انىقتالماق, دەپ جازدى qandastar.kz
ادىلەت ءمينيسترى ەرلان سارسەمباەۆتىڭ سوزىنشە, بورىشكەرلەردىڭ كىرىس كوزىن تاۋىپ, ولاردان قارىزدى ءوندىرىپ الۋعا بولا ما, جوق پا تالداۋ جۇرگىزىلمەك. كىرىس كوزى رەتىندە ەلەكتروندىق ءامياندار, بۋكمەكەرلىك كومپانيالار, باعالى قاعازدارمەن ساۋدا بيرجاسى, كريپتوۆاليۋتا وپەراتسيالارى, جەلىلىك ماركەتينگ, تاكسي قىزمەتتەرى قارالماق. ءارى اگرەگاتور-سايتتار ارقىلى ياندەكس, يندرايۆەر جانە ت. ب. ارقىلى جۇمىس ىستەيتىن بورىشكەردىڭ جاسىرىن تابىسى انىقتالماق.
«قازىرگى ۋاقىتتا اليمەنت ءوندىرىپ الۋدى جەتىلدىرۋ ماسەلەلەرى پارلامەنت سەناتىندا قارالىپ جاتقانىن اتاپ وتكىم كەلەدى. سەناتتا ءتيىستى مەملەكەتتىك ورگانداردىڭ جانە جەكە سوت ورىنداۋشىلارىنىڭ رەسپۋبليكالىق پالاتاسىنىڭ, سونداي-اق قوعام وكىلدەرىنىڭ قاتىسۋىمەن جۇمىس توبى قۇرىلدى», — دەدى ۆەدومستۆو باسشىسى.
