«اللا دەگەن جازۋ شىقتى»: جىگەر اۋىپباەۆ بەينەبايان ءتۇسىرىپ جۇرگەندە ەرەكشە قۇبىلىسقا كۋا بولدى

فوتو: ۆيدەودان سكرينشوت

وتاندىق ەسترادا جۇلدىزى جىگەر اۋىپباەۆ جاڭا انىنە بەينەبايان ءتۇسىرىپ جاتقاندا بۇلتتاردىڭ اراسىنان «اللا» دەگەن جازۋدى وقىعانىن ايتتى. بۇل تۋرالى Stan.kz اقپارات اگەنتتىگى حابارلايدى. 

ونەر يەسى شارىن شاتقالى ماڭىندا سۋ جاڭا انىنە بەينەبايان ءتۇسىرىپ ءجۇر.

«اسسالاۋماعالەيكۋم, ارداقتى اعايىن. ءبىز مىنەكي, بەينەبايان ءتۇسىرىپ جاتىرمىز. سىزدەرگە ءبىر قىزىق كورسەتەيىن. اللانىڭ كەرەمەتى. «اللا» دەگەن جازۋدى بۇلتتان وقي الاسىزدار ما?», – دەيدى جىگەر اۋىپباەۆ ۆيدەودا.

ەسترادا جۇلدىزى بۇل جولى بەينەباياننىڭ ەرەكشە بولاتىنىن ايتىپ, تىڭدارماندارىن ەلەڭدەتىپ قويدى.

«بۇل بەينەبايان بۇرىنعىدان ەرەكشە بولايىن دەپ تۇر… جاڭا بەينەبايان ءتۇسىرىلىمى كەزدە وسىنداي كەرەمەت قۇبىلىس بولدى. اسپانداعى بۇلت «اللا» دەگەن جازۋدى بەينەلەپ تۇردى. اللانىڭ اتى جازىلىپ تۇر. ەشكىمگە ۇندەمەي بىرەر مينۋتتاي قاراپ تۇرىپ شىداي الماي ۆيدەوعا ءتۇسىرىپ الدىم. بۇل قۇبىلىستىڭ ءوزى ماعان ەرەكشە رۋح بەردى. جۇمىس بارىسىندا وسىنداي قۇبىلىس بولسا, بەينەبايان قانداي بولعانىن ويلاي بەرىڭىزدەر ەندى. بۇل ءسال بۇلتتىڭ تارقاعان كەزى عوي. 1-2 مينۋت الدىندا بۇدان دا انىق جازىلىپ تۇرعان ەدى», – دەيدى ول.