پاۆلوداردا ءتورت قىزدى زورلادى دەگەن ەر ادامعا سوت ۇكىمى شىقتى

پاۆلودار وبلىسىندا اپكەلى-ءسىڭلىلى ءتورت قىزدى زورلادى دەگەن ەر ادامعا سوت ۇكىمى شىقتى. ول قىزداردىڭ وگەي اكەسى بولعان. سوت ۇكىمىنە ساي پاۆلودار تۇرعىنى 20 جىلعا سوتتالدى, دەپ حابارلايدى «يربيس TV»-عا سىلتەمە جاساعان KAZ.NUR.KZ.

قىلمىستىق ءىس جابىق رەجيمدە ءوتتى. تەرگەۋ وگەي اكەسى 2015-2017 جىلدارى الكوگولگە ماس كۇيدە 2001, 2003, 2006 جانە 2010 جىلعى وگەي قىزدارىن زورلاپ كەلگەنىن انىقتادى. سوت ءار دەرەك بويىنشا سوتتالۋشىنىڭ كىناسى دالەلدەنگەنىن مالىمدەدى.

«2017 جىلعى 11 شىلدەدەگى رەداكتسياداعى قك 120 بابى, 4 بولىگىندە قاراستىرىلعان قۇقىقبۇزۋشىلىقتى جاساعانى ءۇشىن ەر ادام كىنالى دەپ تانىلىپ, وعان 20 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالسىن», — دەپ سوت ۇكىمىن وقىدى پاۆلودار وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى نۇرلان ايتباەۆ.

ەر ادام 2024 جىلدىڭ قاراشاسىندا ۇستالعان. ول كەزدە ول ەكى قىزدى زورلاعانىن مويىنداعان. بىراق سوتتا ول ايتقانىن جوققا شىعارعان.

سوت ۇكىمى زارداپ شەككەندەردىڭ, كۋاگەرلەردىڭ, سونىمەن بىرگە ساراپتاما قورىتىندىلارىنىڭ نەگىزىندە شىعارىلدى. ۇكىم زاڭدى كۇشىنە ەنگەن جوق.

قىلمىس جاسالعانىنا ءبىراز بولعانىن, ال جازا بەرتىن عانا قاتاڭداتىلعانى ەسكەرىلىپ, ەر ادام ءومىر بويىنا باس بوستاندىعىنان ايىرىلۋ جازاسىنان قۇتىلىپ كەتكەنى دە ايتىلدى.