Pavlodarda tórt qyzdy zorlady degen er adamǵa sot úkimi shyqty

Pavlodar oblysynda ápkeli-sińlili tórt qyzdy zorlady degen er adamǵa sot úkimi shyqty. Ol qyzdardyń ógeı ákesi bolǵan. Sot úkimine saı Pavlodar turǵyny 20 jylǵa sottaldy, dep habarlaıdy «Irbıs TV»-ǵa silteme jasaǵan KAZ.NUR.KZ.

Qylmystyq is jabyq rejımde ótti. Tergeý ógeı ákesi 2015-2017 jyldary alkogolge mas kúıde 2001, 2003, 2006 jáne 2010 jylǵy ógeı qyzdaryn zorlap kelgenin anyqtady. Sot ár derek boıynsha sottalýshynyń kinási dáleldengenin málimdedi.

«2017 jylǵy 11 shildedegi redakııadaǵy QK 120 baby, 4 bóliginde qarastyrylǵan quqyqbuzýshylyqty jasaǵany úshin er adam kináli dep tanylyp, oǵan 20 jyl merzimge bas bostandyǵynan aıyrý túrindegi jaza taǵaıyndalsyn», — dep sot úkimin oqydy Pavlodar oblystyq qylmystyq ister jónindegi mamandandyrylǵan aýdanaralyq sotynyń sýdıasy Nurlan Aıtbaev.

Er adam 2024 jyldyń qarashasynda ustalǵan. Ol kezde ol eki qyzdy zorlaǵanyn moıyndaǵan. Biraq sotta ol aıtqanyn joqqa shyǵarǵan.

Sot úkimi zardap shekkenderdiń, kýágerlerdiń, sonymen birge saraptama qorytyndylarynyń negizinde shyǵaryldy. Úkim zańdy kúshine engen joq.

Qylmys jasalǵanyna biraz bolǵanyn, al jaza bertin ǵana qatańdatylǵany eskerilip, er adam ómir boıyna bas bostandyǵynan aıyrylý jazasynan qutylyp ketkeni de aıtyldy.