«اللانى مازاقتاپ, سوعىستى ناسيحاتتايدى»: تانىمال مۋلتفيلمدەر بالالارعا قاۋىپتى بولىپ شىقتى

جەلىدە بومبارديرو كروكوديلو مەن ترالالەلو ترالالا, بالەرينو كاپۋچينو دەگەن اتاۋلارمەن نەيروندىق جەلىلەر جاساعان جانۋارلار بەينەلەنگەن مۋلتفيلم تاراپ, ميلليونداعان قارالىم مەن ءلۇپىل جيناۋدا. الايدا قازاقستاندىق بلوگەر اتا-انالارعا مۇنداي كونتەنتتى بالالارعا كورۋگە تىيىم سالۋ كەرەك ەكەنىن جەتكىزدى.

ايتۋىنشا, بۇل كەيىپكەرلەردىڭ سوزدەرىنىڭ اۋدارماسىندا قۇدايدى مازاق ەتىپ, سوعىس, قاتىگەزدىكتى ناسيحاتتايدى, دەپ حابارلايدى qandastar.kz

Sn.kz جازعانداي, كەز ءارى كەڭ تارالعان ۆيدەونى اسىرەسە بالالار قىزىعۋشىلىقپەن قاراپ, سوزدەرىن جاتتاپ العان. بلوگەر ارمان يۋسۋپوۆ بۇل ۆيدەولاردىڭ ءمانىن ءتۇسىندىرىپ, اتا-انالارعا ەسكەرتۋ جاسادى. ول ۆيرۋستىق بەينەلەر ءبىر قاراعاندا ەش زيانى جوق سياقتى بولىپ كورىنەتىنىن, الايدا ماعىناسىنا ۇڭىلسەڭ وتە قاۋىپتى ناسيحات ەكەنىن العا تارتتى.

“بۇل ۆيدەونى بارىنشا تاراتىڭىزدار. شوشىپ وتىرمىن. بالكىم سىزدەر جەلىدەن يتاليالىق جانۋارلاردى كورگەن شىعارسىزدار. اسىرەسە 2010 جىلدان 2024 جىل ارالىعىندا تۋعان الفا ۇرپاق وسى مۋلتفيلىمدەردى قارايدى, ك ۇلىپ, كوڭىل كوتەرەدى. بىراق بەلگىلى بولعانداي بۇل مۋلتفيلمدەر مەن وندا ايتىلعان اندەردىڭ ماعىناسى وتە قورقىنىشتى.

ماسەلەن, ترالالەلو ترالالانىڭ ايتاتىن انىندە قۇدايدى, ءدىندى قورلايتىن سوزدەر ايتىلعان. ءتىپتى وقۋعا اۋىزىم بارمايدى. ال بومبارديرو كروكوديلو انىندە بومبالاۋشى كروكوديل ۇشقىش گازا مەن پالەستيناداعى بالالارعا بومبا تاستايدى دەگەن. مۇنى جاساعان كىمدەر ەكەنىن بىلمەيمىن. كىم بولسا دا كونتەنت ارقىلى سانانى باسقارىپ, بالالار ارقىلى وسىنداي قورقىنىشتى ويلارىن استىرتىن جەتكىزىپ ءجۇر. مۇلدە تۇسىنبەيمىن, بىراق كىمدەر بولسا دا دۇرىس ەمەس نارسە جاساپ وتىر. ال ءبىر قاراعاندا بارلىعى كوڭىلدى جاقسى كەيىپكەرلەردەي كورىنەدى. سوندىقتان اتا-انالار ەندى بىزگە بۇل ءمۋلتفيلىمدى بالالارعا كورسەتپەۋ كەرەك”, – دەدى ول.

• ترالالەلو ترالالا ءانىن كوك ءتۇستى اكۋلا ايتادى. ونىڭ اۋدارماسىندا “اللا شوشقا, اللا جامان” دەگەن سوزدەر ايتىلعان.
• ال بومبارديرو كروكوديلو – ەكىنشى دۇنيەجۇزىلىك سوعىس كەزىندەگى اقش اۋە كۇشتەرىنىڭ نەگىزگى بومبالاۋشىسى رەتىندە كورسەتكەن Boeing B-17 ۇشاعىمەن بايلانىستىرىلعان قولتىراۋىن.
• بومبومبيني گۋسيني – ءبومبارديردىڭ قولتىراۋىننىڭ اعاسى ۇشاق قازى. كەيدە وعان ۇشاق قاناتتارىنىڭ ورنىنا قۇس قاناتتارى قالدىرىلىپ, ولارعا رەاكتيۆتى قوزعالتقىشتار نەمەسە گراناتا اتقىشتار تارتىلادى.
• تۋنگ تۋنگ تۋنگ ساحۋر –  بەيسبول تاياقشاسى بار باستى جاۋىز. بۇل ءاى جانۋارلارىنىڭ ىشىندەگى ەڭ كۇشتى تىرشىلىك يەلەرىنىڭ ءبىرى بولىپ سانالادى.
• Trippy Troppy – سكۋفتىڭ دەنەسى بار بالىق (ارتىق سالماعى بار). ول كەز-كەلگەن نارسەنى جەيدى, سوندىقتان سالماعى كوپ.
• بالەرينا كاپۋچينو – باستىڭ ورنىنا كوفە شىنىاياقى بار ءبيشى. ول كاپۋچينو اسساسينونىڭ ايەلى بولعان. بىراق ترالالەلو ترالالامەن وپاسىزدىقتان كەيىن اجىراسقان.